Page 9 - diario july 17

DIABIERNA 17 JULI 2015 DIARIO PAGINA 9

“Cacho”
a obliga
“muher”
di bula den
“laman”

ORANJESTAD (AAN):
Tin biaha ora ta redacta entre
otro informe di polis bo por
conclui varios situacion cu
den pasado a wordo treci
dilanti cu a bira un topico
di dia. Por ehempel ainda
ta fresco den nos memoria
un show di “Nidia Ecury”
d.f.m. imitando expresion
di personanan di difeente
nacionalidad. Den e caso
aki nos ta referi na un
“Surinameo ” cu el a imita
expresando: “musha musha
musha zak van di boom”.
Diaranzon atardi despues di
cuart’ or , central di polis a
instrui patruya di Oranjestad
pa nan bay na Markthal nan
na waf chikito na unda cacho
lo a morde un persona.
E persona en cuestion,
a reacciona, debi cu el a
spanta formal el a busca
refugio door di bula den
laman pa evita lo peor.
Patruya a presenta na e lugar
den un fraccion y a atende
e señora di inicialnan S.H.
y el a declara di a wordo
mordi pa un cacho di caya
color preto y el a bay den
panico y a bula den laman.
E señora a declara tambe
na polis cu doño di e cacho
ta un choller pero e la bay
caba cu su cacho.
S.H. a sufri herida chikito
na su man robez y e no a
desea trato medico..
Polis despues di a scucha y
traha recorte di e sucedido
a busca e choller cu su
cacho preto pa atende pero
sin resultado. Manera ta
conoci ley di cacho a drenta
na vigor, e choller tambe
ta obliga di tin su cacho na
liña.