Page 37 - ATA front covers-14_Neat
P. 37
ANSA A Demostra Derecho Di Existencia: E Aña Aki
So A Inverti Caba 5.5 Miyon Florin E.O. Den Un
Sistema Nobo Di Radar
Local
- 18/07/2017
ANSA a keda funda dia 1 di januari di e aña aki, y ta demostra di tin su derecho di
existencia. Ningun hende no por kita afo, cu esaki ta un di e proyectonan grandi cu ex
Minister Otmar Oduber a sa di realisa, pa independiza e sistema di aviacion civil di
Aruba.
Nilky Kock, Director di ANSA a admiti cu ex Minister Otmar Oduber a crea un N.V. aki,
unda Gobierno ta 100% doño ta pa haya fondonan desea, pa sigui inverti pa mehora
henter e sistema pa cu aviacion civil.
Si a keda como un departamento di Gobierno, lo no por a logra loke te awe a ser logra. Pa
hopi aña Gobierno no a duna atencion na modernizacion di control di espacio aereo. A
traha un plan di inversion ambicioso berdad, y ya caba a cuminsa haci cambionan base di
inversion.
Te cu awe, ya caba ANSA a haci un inversion di 5,5 miyon florin, segun Nilky Kock.
Entre otro a inverti den e proyecto AHS y den e prome paso pa un sistema nobo di radar
pa Aruba.
