Page 8 - MIN JUS

AWEMainta Diasabra, 10 Juni 2017 3

Landmachtcompagnie WILLEMSTAD - E landmachtcompagnie

di Defensa den area Caribense otro siman
a finalisa periodo di lo tene su ehercicio final. Y asina e actual
compagnie lo clausura un periode di 4 luna
di training na Aruba, Corsoy y Bonaire.
training na Corsou For di dialuna awor, lo por mira e militarnan

riba diferente parti di Corsou. E.o. den be-
cindario di Parera, Tafelberg, Wacawa, Santa
Martha y San Juan. E compagnie lo wordo
dividi den grupo, cu cada uno mester cumpli
cu un parcours. Cu esaki cada uno lo mester
pasa test di nan capacidad fisico y militar.

Oportunidad Unico
E landmachtcompagnie durante 4 luna a
pasa den un programa di entrenamento ma-
sha intensivo na Aruba, Corsou y na Bonaire.
Importante tabata cu nan mester a siña con
opera riba teritorio cayente y seco.
Banda di tur esaki, nan mester a demostra
unidad cu nan ta dispuesto pa sostene au-
toridadnan local y/of ora di duna asistencia
den caso di emergencia of un calamidad.

Capitan Roger Ruijters t’e Comandante di e
actual Bravo Wonju-Compagnie (12 infan-
teriebataljon Air Assault di 11 Luchtmobiele
Brigade).
El a splica con e unidadnan den nan presen-
cia riba e islanan ABC, ki experiencia nan a
haya.

“Nos t’aki pa nos prepara nos mes pa mi-
sionnan pa por move riba tereno cayente y
seco. Aki nos tin hopi di haci cu totalmente
un otro ambiente compara cu na Hulanda.
Aki nos ta haya p.e. un cantidad di cadushi
y coral. Y naturalmente masha calor.
Pesey nos mester por adapta nos mes n’e
situacion aki. E posbilidadnan cu nos ta
haya pa train aki, ta unico y asina mes, nos
tin tur posibilidad di siña di e buniteza di e
islanan aki”

E unidad unda cu Capitan Ruijters tin e guia,
e ultimo 4 lunanan no solamente a dedica n’e
entrenamento militar, pero tambe a percura
pa un bon causa. Asina p.e. nan a sostene
y yuda e militarnan pa haci beachnan na
Bonaire limpi di e sushamento di petroleo.

Compagnie nobo
E Landmachtcompagnie cada 4 luna ta
wordo cambia. Den e prome siman di juli
un unidad nobo lo tuma over y lo ta 4 luna
bezig.
E asina yama “Landmachtcompagnie in
de West” lo wordo entrega pa Koninklijke
Landmacht y un parti di nan presencia ta bin
di Ministerio di Defensa cu ta den Caribe.