Page 49 - HOSPITAAL

Tucht College a dicidi tambe cu e sentencia aki ta wordo haci publico, pero di forma
anonimo, cu wowo riba interes general, sabiendo cu asina lo por promove e calidad di
asistencia di salud riba e isla.

Resumiendo, e pacient ta acusa e Docter cu e tabata negligente di duna un tratamento
oportuno y aduecuado contra cancer di tripa. Tucht College ta respalda e keho di e
pacient, y ta opina cu e Docter di Cas a actua di forma inexperto. E Docter en cuestion
nunca a tuma un historia corecto. Si acaso el a haci esey, e lo por a haya sa cu e

pacient aki tin un riesgo grandi di haya cancer di tripa, ya cu su mama a muri cu 70
aña di edad.

Tampoco e no a sigui un maneho adecuado riba e perdemento di sanger rectal di cual e

pacient a informe tambe. Ademas, e Docter di Cas no permiti pa determina e sanger
oculto, y a conclui eroneamente cu no tabatin sangramento rectal. Tambe e Docter a
djis keda ripiti y djis keda duna e pacient e mesun remedinan innecesario y a keda
warda mucho hopi prome cu el a verwijs e pacient pa un Specialista.

Tucht College ta evaluando si e Docter di Cas aki a comete acto of conductanan cu ta
pone hende perde confianza den e situacion medico, of cu e tabata negligente, loke a
causa daño na un persona kende na prome instante a bin cerca dje pa solicita yudanza

medico.

Den e revision di e conducta profesional, nan no ta referi si esaki lo por a ser haci
mihos, sino si e medico profesional a sigui actua dentro di e limitenan di un practica

profesional razonable competente, teniendo na cuenta e estado di cosnan, ciencia den e
momento di e tratamento of negligencia y cu despues a wordo acepta como normal of
standard den e grupo profesional.

Aunke no ta posible pa bisa cu siguranza si acaso adecuadamente el a verwijs e pacient
pa un Specialista, cu e lo por tabatin un resultado diferente, tog e pacient aki debi na
negligencia di e Docter di Cas, a perde chens di haya un diagnosis trempan y urgente, y
pa 3 luna a keda atrasa di haya e tratamento aki.

Pa e tratamento inadecua y e retrazo innecesario di e Docter, e medico aki na opinion
di Tucht College ta completamente responsable. Pesey Tucht College a ranca orea di e
docter aki.