Page 1 - AM200416
P. 1
April 16, 2020
www.awemainta.com
www.facebook.com/awemainta
noticia@awemainta.com
583-1400
Tin un grupo di persona ta sigui reta autoridad
VARIOS CANDELA INTENCIONAL
A SER SENDI E.O. NA ROOI TAKI
TIN un grupo di persona, kendenan no kier sigui
ley, a dicidi di sende varios caminda na candela.
Asina ayera Bomberonan a yega Rooi Taki pa com-
bati varios candela intencional cu a cuminsa ex-
pande rapidamente den e mondi.
Bisiñanan a yama pa pidi presencia di Brandweer
lo mas pronto posibel mirando cu e huma tabata
causando molester grandi na diferente cas den
becindario y tambe e miedo cu nan bira grandi.
N’e sitio por a tuma nota cu no tabata trata di un,
pero varios candela intencional na diferente parti
cu a pone cu mester a tene cuenta cu cada un y con
pa atende cu nan. Algun rato despues a domina e
situacion y tur candela tabata bou control.
Trabou di Bombero den e dianan aki di TdQ y
Shelter in Place a aumenta drasticamente y ta
di lamenta, pasobra mayoria di e candelanan ta
intencional poniendo hende inocente nan bida na
peliger inecesariamente.
