Page 17 - AM200416
P. 17
Diahuebs, 16 April 2020 AWEMainta 17
Polis a detene homber den Mispelstraat,
kende no a respeta Toque de Queda
DURANTE Toque de Queda Polisnan ta patruya
den tur bario pa detene personanan cu no ta respeta
Toque de Queda.
Esaki a sosode tambe den Tarabana, diamars anochi
un homber a dicidi di sali riba caya, keriendo cu Polis
no lo pasa den Mispelstraat, awel el a faya y a keda
deteni.
Net e momento ey Polis a pasa patruya den e caya aki
y a topa cu e meneer aki riba caya, mesora nan a bay
atende cune y a detene.
El a keda transporta pa Warda di Polis, caminda e
mester presenta dilanti Sub Fiscal y tambe muy prob-
ablemente e lo keda cera den un cel te den oranan di
mainta.
No ta solamente bo ta keda deteni y cera algun ora
den un cel, pero es mas bo ta haya un boet di mil florin
pa paga, den e tempo aki di crisis, e cantidad di cent
ey ta hopi duro pa djis saca paga un boet. E anochi aki
pa mainta, Polis a detene un total di 13 persona.
