Page 58 - CMB
P. 58
Taxistanan malcontento cu
posibel presencia di UBER na
Aruba
31 May, 2018
0
Diahuebs atardi, taxistanan a yama un conferencia di prensa pa expresa nan
malcontento pa cu e ultimo desaroyonan den e mundo di transporte. Un di e
preocupacionann di mas grandi ta e presencia di UBER na Aruba, durante e E-
Aruba Business Seminar. Nan ta sinti cu, un UBER na Aruba, financieramente, lo
caba cu nan.
Nan ta haya cu ya caba e bolo pa parti entre e taxistanan ta chikito. Y awo, cu
un presencia di UBER na Aruba, nan ta ‘mata’ e taxistanan. Nan ta sinti cu ya
caba e BBO ta bezig ta caba cu nan. Un UBER na Aruba ta e final di taxi manera
cu nos conoce na Aruba. Sra. Shamila Loefstok a expresa na malcontento, na
nomber di e taxistanan.
UBER
E di tres E- Aruba Business Seminar lo tuma luga diasabra, 9 di juni 2018, den
Renaissance Convention Center. Algo cu a hala hopi atencion, ta cu un di e
oradornan den e seminario aki lo ta Sr. Mario Vinasco, di e compania UBER.
UBER ta un compania mundial cu a kibra e monopolio di taxi por medio di un
aplicacion di telefon.
