Page 31 - bnd jun 19

criminalidad B7
Diabierna 19 Juni 2015

Continuacion di Pagina 6

Control riba
establecimento

SHABA — Patruya hunto cu DOW y Departamento
di Salubridad a tene control riba e siguiente estableci-
mento. Jack’s Cafe Aruba, El Tesoro Snacks, Daily Fish,
Golos Take Away, Wendy’s, Kentucky Fried Chicken,
Dominos Pizza, Mc Donalds y Sun Rise Bakery. Jacks
Café y Sun Rise a mustra di ta den un estado no hi-
gienico y a keda cera pa 24 ora.

Ladron no a bay cu nada

SEROE BLANCO – Central a manda Polis na un cas
na Seroe Blanco pa un kiebro. Na e sitio, a resulta cu
desconocinan a kibra e bentana banda drechi di un auto.
Nan no a bay cu nada. Polis a tuma e keho.

Chauffeur a core 104 km

SASAKI — Polisnan a duna boet na e chauffeur A.B.V.
naci na Peru di 43 aña, kende a core 104 km.

Ladron ta bay cu boter
di biña

SEROE BIENTO — Durante patruya Polis a bay na
Seroe Biento Supermarket, pa un ladronicia. Na e sitio,
Polis a papia cu e doño, kende ta bisa cu un rato prome,
un homber a bin na e supermarket y a coy un boter
di biña marca Gallo y a sali bay sin paga. E homber a
drenta den un pickup preto A-49997. E doño no kier
duna keho pero kier pone Polis na haltura.

Hobennan ta drenta den
cas

DE VUYST — Central a manda Polis na un cas na De
Vuyst pa un kiebro. Na e sitio, Polis a papia cu e homber
M, kende ta bisa cu desconocinan a drenta den su cas
via di bentana y a rista den camber di su yiu homber.
E ta bisa cu no ta prome biaha cu nan ta drenta den su
cas. Mas o menos dos siman pasa, na e mesun mane-
ra ladronnan a drenta. E bisiñanan a mira dos mucha
homber drenta den e cas y ta muchanan di e bisindario
mes. Polis a tuma e keho.

Ladron horta dollar na
un cas

KAMAY — Central a manda Polis di Noord na un cas
na Kamay pa un kiebro. Na e sitio, e homber B, ta bisa
cu desconocinan a drenta den su cas. E ta bisa cu di-
aranson 09.00, el a sali di e cas y a laga esaki cera na yabi.
Ora cu el a bolbe atardi 16.15, el a mira cu e porta parti
pazuid di e cas tabata destrui. E ta bisa cu nan a bay cu
700 dollar. Polis a tuma e keho.