Page 25 - AUABANK, JULY 01

Minister Sevinger via su Infra Team ta mal informa Banco
Central

Publication: Wednesday, 1 July 2015. Categoria: General
Parlamentario mr Xiomara Maduro:

ORANJESTAD(AAN)– Segun un comunicado di Mr.Xiomara Maduro di MEP, dia 10 di juni
2015, Minister Sevinger a manda un carta pa Parlamento pa informa cu e proyecto di Green
Corridor lo por supera e 292 miyon cu Parlamento a duna aprobacion pe na 2011.
Esaki debi na inflacion y na gastonan cu ainda nan tipo y costo no por ser pre-mira. Banco
Central mes a calcula e gastonan pa e proyecto na 297 miyon. “Un diferencia pa cual nos a
cuestiona e mandatario. Pero durante e debate publico a sali na cla, cu Minister Sevinger via su
Infra Team a mal informa Banco Central riba e gastonan real di e proyecto”, el a laga sa.
Infra Team di Minister Sevinger ta cambia cifra

Segun Sra. Maduro, durante e debate publico diripiente a drenta un carta di Banco Central fecha
29 juni 2015, den cual Banco ta splica cu nan a wordo informa na 2013 pa e Infra Team di
Minister Sevinger cu e proyecto di Green Corridor lo costa 297 miyon florin y lo mester paga
bek segun calculo di Banco e suma di 29 miyon den 25 aña di tempo.
Den e mesun carta Banco a splica dia 24 april 2015, e Infra Team a haci cambio drastico na e
suma di inversion y a informa Banco cu ta 135 miyon lo costa pa traha e Green Corridor. Cu e
cambio aki segun calculo di Banco, Gobierno lo mester paga entre 15 pa 16 miyon den 18 aña di
tempo.
Na final di e carta Banco a remaca pa buena marcha, cu Banco ta depende grandemente di e
partidonan envolvi den e proyecto pa asina por haci su calculonan. Pues por medio di e carta