Page 10 - ELAR - MAY 19 , 2015
P. 10
SOGA, Gobierno y WEB a firma protocol pa instala panel
solar riba dak di MFA Noord
Monday, 18 May 2015 22:49
Comparti
Siguiendo e meta di Gobierno pa logra haci Aruba un pais completamente sostenibel mas pronto posibel,
dialuna, 12 di mei, Gabinete Mike Eman a firma un protocol cu SOGA (Stichting Onroerend Goed Aruba)
y WEB pa instalacion di panelnan solar riba dak di edificio di MFA Noord.
SOGA ta doño di e edificio MFA construi na Noord cu e meta pa cumpli cu vision di Gabinete Mike Eman
II di hiba mas tanto servicio den barionan, cuminsando cu e prome edificio den area di Noord.
E edificio aki cu a wordo entrega recientemente door di e compania di construccion ta bay ofrece, ademas
di e servicionan di Oficina Auxiliar di Gobierno, diferente otro servicio cu e bario tin mester. Cu
construccion di e edificio moderno aki, a tene cuenta mas tanto posibel cu aspectonan “green”,
durabilidad y eficiencia den mantencion. Vision di Gobierno di Aruba ta pa instala mas tanto panel
solarnan riba edificionan pa produci coriente ta otro meta cu ta cumpli cune cu firmamento di e protocol
aki.
E motibo cu a scoge WEB pa ehecuta e proyecto, ta cu e ta e compania responsabel pa busca fuentenan di
energia alternativo y duradero cu tin un influencia positivo riba nan finanza.
E coriente cu ta wordo produci via e sistema aki ta pasa pa maneho di ELMAR.
Prome Minister Mike Eman a expresa un satisfaccion grandi cu firmamento di e protocol aki “cu ta hiba
Aruba mas cerca ainda di e meta di 2020 pa ta completamente independiente di e recursonan tradicional
di energia”.
http://www.24ora.com/politica-mainmenu-18/95275-soga-gobierno-y-web-a-firma-protocol-pa-instala-
panel-solar-riba-dak-di-mfa-noord
Evelyn Croes: Mike Eman no tin ningún credibilidad mas!
Monday, 18 May 2015 22:53
Comparti
