Page 12 - AAA JULY 7 2015
P. 12
Insel Air Aruba ta habri su di 11 vuelo
directo pa Medellin, Colombia
on: Tuesday, July 7, 2015In: LocalNo Comments
Print Email
Aruba Airport Auhority NV ta celebra un otro meta hunto cu Insel Air y otro partnernan
relaciona y e consul honorario di Colombia na Aruba, dialuna, dia 6 di Juli, cu e inauguracion di
e ruta Aruba-Medellin-Aruba.
E intencion di e aerolinea Arubano ta pa habri varios otro vuelo directo pa otro ciudadnan na
Colombia, e Gerente di Mercadeo di Insel Air Aruba, Tita Iglesias a splica. E vuelonan aki ta
enfoca pa e facilita e trafico entre Aruba y e pais cu tin 30% di e market share di Latino America
den e turismo di e isla.
Jo-Anne Arends, Head Airline Marketing Aruba Airport Auhority NV ta felicita Insel Air Aruba,
referiendo na e ruta nobo como un destinacion importante pa Colombianonan biahando pa Aruba
pa vakantie y bishita famia, como tambe pa residentenan di Aruba, bishitando Medellin pa
dianan di fiesta y turismo medico.
Esaki ta e di 11 destinacion di Insel Air Aruba. Siman pasa, Insel Air a cuminsa duna servicio na
Puerto Rico, un mercado cu wordo laga un banda pa shete aña. Previamente American Airlines y
American Eagle tabata tin e vuelonan directo entre e dos islanan pa 20 aña cu hopi exito,
transportando 130.000 pasahero pa aña. San Juan ta e airport hub di mas grandi den Caribe, cu
mas cu 8 miyon di pasahero sirbi pa aña.
Actualmente Aeropuerto Internacional Reina Beatrix ta un di e aeropuertonan mas druk den e
region di Caribe cu 31 aerolinea transportando casi 2.3 miyon yegada pa aña, mayoria parti for di
Norte America, Sur America, Caribe y Europa. E desaroyo di rutanan potencial pa Aruba di Insel
Air Aruba, como tambe mantene e rutanan existente y reteniendo partnership ta remarcabel.
Otro siman nos lo inaugura e vuelo pa Sint Maarten, via Santo Domingo, Republica Dominicana,
Jo-Anne Arends a agrega, satisfecho cu e esfuerso di e aerolinea y e aumento di trafico pa e
aeropuerto. Arends ta haya e experiencia di Insel Air Aruba na Puerto Rico uno excelente,
caminda cu antes pa yega Puerto Rico tabata tuma casi 10 ora, cu vuelo directo, awor ta tuma
solamente un ora y mey pa yega Puerto Rico for di Aruba.
Prensa Arubano como tambe stakeholdernan di AAA y Insel Air Aruba, manera
representantenan di Aruba Tourism Authority (ATA) y Aruba Hotel and Tourism Association
(AHATA) tabata presente y a aborda e Fokker di 80 asiento, networking y haciendo plan,
identificando y analisando potencial partnershipnan nobo.
Insel Air Aruba ta bula Aruba-Medellin-Aruba dos biaha pa siman riba dialuna y diahuebs.
“Insel Air a avansa na un oportunidad mas, y nos ta hopi contento como un aeropuerto cu nan a
