Page 61 - KPA

Biaha solamente si ta necesario pa Venezuela. No biaha na e area di e frontera cu

Colombia.

Tene cuidao cu criminalidad pisa y violento. Atake, robo y secuestro ta tuma luga

frecuentemente. Criminalnan ta particularmente activo riba brommer, den taxi y rond di

transporte publico.

Ministerio di Asuntonan exterior ta yuda cu e preparacion di bo biahe. E conseho aki ta
basa riba informacion di e embahada di Hulanda na Caracas, servicionan di informacion,

representacionnan den otro paisnan, autoridad local, compania y otro organisacionnan. E

meta di e conseho aki ta pa informabo riba e insiguridad den e pais.

E situacion politico di Venezuela ta tenso. Esaki a aumenta despues di e eleccion cu a
tuma luga dia 30 di Juli 2017. Loke ta di spera ta cu e protestanan lo sigui y e chens ta

grandi cu por tin mas violencia ainda, asina Departamento di Relacionnan Exterior di

Reino Hulandes ta conseha y ta informa tur ciudadanonan di Hulanda y Caribe Hulandes.

Si acaso bo mester biaha toch, evita demostracionnan. Biaha solamente pa Venezuela si
esaki ta necesario.

E informacion aki a keda compila pa e servicio di informacion di Reino, specialmente pa

ciudadanonan Hulandes cu tin pensa of ta biaha pa Venezuela.

Si bo bay di biahe, percura pa bo sa tur regla, ley y con pa uzanan. Keda disponibel den

casonan di emergencia. Laga bo datonan atras na e Ministerio di Asuntonan Exterior.

Tuma e medidanan necesario pa bo salud. Pensa riba vacuna y remedi. Na Venezuela casi

no tin remedi mas disponibel. Na Venezuela por tuma luga entre Mei y October,

tormentanan tropical. Tambe movecionnan sismico y teremoto ta posibel.