Page 24 - LOTTO

Hungado fiel di Lotto 5 y famia a gana 1.1 miyon florin

Tuesday, 18 July 2017 16:03
1

Comparti

Diasabra 15 di juli ultimo, Andres F. a hunga y a gana e suma miyonario di 1.1 miyon florin, di Lotto 5. E
la cumpra diferente combinacion di numbernan loco, y e number cu e la gana cune, ta e mes a hinka den
otro, riba un ticket separa. Famia compelto tawata hunto y den sintonia di e sorteo di Lotto diasabra, ora
Andres a bira un miyonario.

Andres ta bin di un famia di 12 ruman, y e la laga sa cu e ta parti e premio cu henter su famia y cu tambe
e lo traha su propio cas, ya cu esaki e no tin ainda di su mes. Super contento, y cu yen di ambiente
positivo, famia henter a pasa Oficina di Lotto busca e check. E ticket ganado a wordo cumpra na Quick
Luck Lottery, na Boegoeroei, y numbernan ganado tawata: 07- 09-12- 23-32 Joker: 33 y Letter: E. Lotto,
e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di
Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e comision di
subsidio.