Page 13 - minister oduber

Minister Oduber a confirma cu ATA tin fondonan
disponibel pa mercadea San Nicolas

Publication: Tuesday, 10 March 2015. Categoria: General

Esaki como un atraccion cultural y historico

ORANJESTAD (AAN): Desaroyo di San Nicolas como nos di dos capital turistico cu enfoke
riba nos herencia cultural ta den pleno desaroyo. Dialuna mainta AIB a haci entrega oficial di e
rapport na Ministernan Otmar Oduber y Mike de Meza y a presenta esaki tambe na diferente
actornan den nos comunidad.

Un di e aspectonan cu AIB ta menciona den su rapport cu ta hopi importante pa logra e desaroyo
economico sostenibel di San Nicolas ta un campaña di promocion bon organiza y bon funda,
tanto local como internacionalmente.

Den e cuadro aki AIB a reuni cu Oficina di Turismo cu a mustra di ta cla, a papia riba tur loke
ATA por haci, con nan por contribui no solamente riba e parti financiero, sino tambe cu nan
input pa loke ta e promocion local y internacionalmente.

ATA ta conta na e momentonan aki cu un departamento cu tra dedica specificamente na e parti
aki, cual ta Destination Development, nan tin e fondonan y lo usa tambe e parti di tecnologia pa
promove San Nicolas como atraccion cultural y historico.
Manera a worde menciona na diferente ocasion, estudionan ta mustra cu na e momentonan aki e
turistanan ta buscando un experiencia local autentico y pa conoce mas nos cultura y ATA ta cla
pa yuda Gobierno ta desaroya e area di San Nicolas den exactamente loke nos bishitantenan ta
buscando y asina sigura cu Aruba por mantene un fluho continuo di turista y sigui atraenan riba
un base sostenibel.

E tarea principal di ATA lo bira e promocion di e concepto di experiencia cultural y di nos
herencia den e mercado internacional como tambe entre e turistanan cu ya caba ta riba nos isla.

Di e forma aki hunto cu e demas actornan, ATA ta cla y tin e fondonan disponibel pa mercadea
San Nicolas como nos di dos capital turistico y centro di nos herencia cultural.

http://www.diario.aw/2015/03/minister-oduber-a-confirma-cu-ata-tin-fondonan-disponibel-pa-
mercadea-san-nicolas/