Page 12 - AWEMAINTA
P. 12
12 AWEMainta Diabierna, 17 Januari 2020
Dos hoben a purba atraca pareha
turista, cu tin 30 aña ta bin Aruba
DIARAZON anochi algo prome cu 9:30, un pareha
turista por poco a bira victima di un robo/atraco.
Tabata diarazon anochi cu un pareha lo a bay na Café the
Plaza y bati alarma. E motibo tabata cu dos hoben color
scur lo a trata di atraca nan. Den e intento e dama turista
di edad a cay y rasca su curpa.
Segun nos por a compronde cu e incidente lamentabel aki
lo a sosode riba e pathway pazuid banda di lama. Varios
patruya a dirigi nan mes p’e sitio y despues di scucha loke
e pareha a declara a cuminsa busca rond.
Segun un of mas testigo, algun rato despues di e intento a
mira dos hoben color scur core duro dilanti e Conference
Center bay nort.
Na final e pareha di edad a cana bay nan auto pa despues
bay nan hotel cu un sabor bastante amargo. Nan tin 30
aña caba ta bin Aruba y pa prome biaha a experiencia es-
aki. Mester remarca cu e area aki tin camara di seguridad
casi tur caminda, pues si ta bon un di e camaranan mester
por a capta algo. Si t’asina lo avisa polis.
Algun rato prome, den area di Highrise Hotels si dos lad-
ron a logra bay cu varios cos di un pareha cu tabata den
area di beach di Holiday Inn.
Aki te unda nos sa no a logra haya e dos individuonan aki.
