Page 7 - HOSPITAAL

realisa e accionnan necesario pa mantene nan mes informa y vacuna e biaheronan cu ta
dirigi na e zonanan unda cu ta recomenda e vacunacion contra Keintura Geel.”

E recomendacionnan ta cla: ta resalta e importancia di ta vacuna manera medida principal
di prevencion, sigurando e vacunacion di tur biahero den e areanan endemico minimo 10
pa 30 dia prome cu biaha, recordando cu un solo dosis ta suficiente pa conferi inmunidad
y proteccion di bida largo, sin necesidad di dosis di refuerso.

Ta importante recorda cu e vacuna contra keintura geel ta contraindica den Individuonan
imunodeprimi (incluyendo esnan cu trastornonan di thymus, HIV sintomatico,
neoplasianan maligno bao di tratamento, tratamentonan cu imunosupresor of
inmunomodulador, transplantenan reciente, radioterapia actual of reciente) y den
personanan cu antecedente di hipersensibilidad na webo di galiña y su derivadonan.

E informacion epidemiologico aki ta laga nos sa bon cla cu nos mester ta semper alerta y
protehe nos di e pica di sangura, mescos cu revisa y tin al dia nos carnet di vacunacion si
nos ta bay biaha of si ta biba den areanan di riesgo.

http://24ora.com/kentura-geel-alerta-na-brasil-y-peru-pa-biaheronan/