Page 42 - flip min.sja

Paul Croes: Nos tur kier mihor pa nos pais

Tuesday, 10 March 2015 19:48
Comparti

"Mas productividad, un desaroyo sostenibel pa henter nos pais incluyendo San Nicolas, proteccion di nos
mercado laboral na momento di inversionan grandi
, y algun cambionan di ley tabata e topiconan principal di e encuentro entre Camara di Comercio y
Minister di Labor Drs. Paul Croes. Den cuadro di ronda di consulta cu Minister Paul Croes ta ehecutando
cu varios partnernan social, a toca turno pa Camara di Comercio intercambia ideanan y preguntanan cu
nan tin riba e desaroyo di nos pais. Algun topico cu a resalta durante e reunion hunto cu e Presidente
recien elegi di Camara di Comercio sra. Daphne Lejuez-Cesario y Director Leo Maduro hunto cu
consehero sra Roxanne Wolf, tabata productividad di nos pais, desaroyo di San Nicolas y tambe e leynan
laboral di nos pais. Ta asina cu e mandatario encarga cu Labor a mustra CdC cu su maneho pa 2015/2016
lo pone mas enfasis na Productividad di e forsa laboral. E forma di hasi esaki ta entre otro door di kita
bareranan innecesario pa comercio por funciona. Esaki semper buscando e balansa pa asina duna e
proteccion necesario na e trahador. Minister a informa Camara di Comercio di su consulta cu otro
partnernan social y sindicatonan. Alabez Camara di Comercio a mustra interes den opinion di Minister
Paul Croes pa desaroyo di San Nicolas. Minister Croes tabata hopi cla den esaki expresando cu for di
inicio di Gabinete Mike Eman e maneho tabata uno consistente y dirigi den apoya y logra un desaroyo
sostenible pa pariba di brug. Cu incentivanan fiscal pa negoshinan establece, cu atraccion di un
inversion grandi den forma di un hotel, renobacion di areanan urbano di San Nicolas y e desaroyo
nobo eventual na luga di e refineria ta mustra cu e gobierno ta focus y convenci cu San Nicolas pronto lo
tin su lugar apropia den nos desaroyo. Nos ta premira un mihor cifra di empleo pa 2015 si nos culmina e
inversionan proponi. "Nos tur ta desea e mihor pa Aruba, y mihor pa San Nicolas. Mi ta convenci mester
cu otro plannan cu e gobierno aki ta pone su dilanti, San Nicolas tambe ta otro cu lo lo keda realisa. Nos
ta kere den e direccion sostenible y un refineria awe riba nos isla lo no ta ideal den e vision aki", Minister
Croes a mustra.

http://www.24ora.com/politica-mainmenu-18/92733-paul-croes-nos-tur-kier-mihor-pa-nos-pais