Page 44 - FUNDASHON LOTTO PA DEPORTE

Prome cu e punto di mei ora di wega, na minuut 25 RCA tabatin chens grandi pa

anota pero a bay perdi despues di un “double save” di defensa y portero Dakotero

Lionel Kaarsbaan, esey a sinti tambe mane cu RCA a perde nan gran chens di e

wega, ta manera nan a perde nan aire eynan, que tal si nan a score? Dakota cu ya

tabata hayando mas resultado cu nan “high-pressing”, cu bastante bon yegadanan,

a sigui ta consistente, e trabou calcula ey a resulta den e gol di Dakota, pa medio di

Sherman Monticeuex na minuut 26 den un atake relampago despues cu RCA a

perde e bala den un pressing halto di e delanteronan Dakotero, Dakota ariba 1-0,

RCA awo tabata sinti mane ta un montanja tin pa subi apesar cu ta un diferencia
minimo so. RCA tabatin mas chens despues pero no di calidad, y esey ta ora nan

haya e bala, cu tabata menos cada biaha.