Page 3 - DIGICEL

SETAR cu competencia pa muchanan durante vakantie
grandi

Thursday, 13 July 2017 12:53
1

Comparti

Vakantie ta e temporada cu nos muchanan ta liber di scol. Aunque tin hopi cu ta bay den exterior cu famia, tin
hopi tambe cu ta keda disfruta nan dianan liber na Aruba mes.Teniendo esaki na cuenta SETAR a bin cu un
competencia special pa tur mucha. E competencia ta encera pa crea un celular cover artistico pa un
smartphone.
Asina e mucha por dedica su tempo durante vakantie na algo bunita, creativo y di su mes.SETAR tin diferente
premio pa e ganadornan. Tin dos categoria cu por participa pa e competencia: di 6 te cu 12 aña y di 13 te cu
18 aña. Pa participa ta facil. Pasa na cualkier SETAR Teleshop prome cu dia 31 di juli 2017y inscribi pa
haya un cover (ta limita 1 cover pa cada mucha). Tur cover mester wordo entrega prome cu 11 di augustus,
2017 na SETAR Seroe Blanco conhuntamente cu e formulario.
SETAR lo organisa un exposicion dianan 16, 17 y 18 di augustus, 2017 na Willem III Toren (Fort
Zoutman) di 5 pm te cu 7 pm.
Lo tin un showcase di tur e covers riba e dianan menciona y riba e ultimo dia di exposición, dia 18 di
augustus, 2017 ta anuncia e ganadornan na Fort Zoutman. Despues di anuncia e ganadornan, SETAR ta
tene un “auction” na unda e publico en general por cumpra e covernan. Fondonan cu genera di e “auction” y e
bar ta bai como donacion pa un bon causa. Lo bai tin pasaboca gratuito pa esnan presente.

Pa mas informacion di e competencia por bishita nos website nawww.setar.aw