Page 15 - AWEM 06-Mrt-2015
P. 15
AWEMainta Diabierna, 6 Maart 2015 15
Durante bishita na Banco di Sanger y na Hemo Dialyse
Studiedag 2015 di Filomena College
Mavo a haya informacion balioso
COMO parti di nan studiedag 2015, docentenan di Filomena College Mavo a haci un bishita na dos in-
stancia di salud na Aruba. Nan ta: Banco di Sanger Aruba & afdeling Hemo Dialyse di Hospital.
Informacionan masha balioso riba e salud di cada individuo riba Aruba a ser presenta.
Hopi importante ta pa nos cuida nos riyonnan y esaki ta cuminsa cu bebemento di hopi awa tur dia.
Apesar di e bon servicio cu Hemo Dialyse ta brinda, e no ta un bida facil ora cu bo ta haya bo mes
ta tuma dialyse mas cu un biaha pa siman.
Tambe Bloedbank Aruba a duna informacion valioso n’e grupo di docente, mustrando e impor-
tancia cu donantenan di sanger tin pa salba bida di pacientenan na Aruba. Tambe a ser
acentua cu no ta tur hende ta bin na remarke pa duna sanger.
Esaki tin di haci cu forma di bida cu e donante ta hiba y tambe si e ta sano.
E dia aki a resulta den un dia masha educativo pa tur e maestronan cu tabata presente.
Na nomber di full e team di FCM, juf. Maroushka Koopmans a gradici tanto sr. Raymond
Maxwell di Bloedbank Aruba como sra. Caroline Raphaela, e zorgcoordinator di Hemo Dialyse
pa nan hospitalidad y presentacion brinda n’e team.
