Page 20 - ATA SEPT 17 2015

Gobierno a participa den reunion pidi urgente pa FTA
encuanto ola di criminalidad

Publication: Thursday, 17 September 2015. Categoria: General

ORANJESTAD (AAN):
Dialuna den oranan di atardi tabatin un encuentro na dr. Edward Cheung Center for Innovation
riba e tema di criminalidad y den cual a participa Gobierno, AHATA, ATA y sindicato FTA.
Esaki tabata un reunion cu a worde pidi door di FTA cu ta hopi preocupa pa e ola di
criminalidad, principalmente den e area di hotelnan.
Prome Minister Mike Eman tabata presente y a considera e encuentro aki un Dialogo Social. E ta
contento di por a reuni back despues di un periodo largo.
Principalmente despues cu un peticion a worde haci pa haci un inventarisacion di e temanan cu
gremionan ta haya importante cu mester continua cu nan den e DS. Tres instancia a manda un
carta pa e Mandatario pidiendo pa un encuentro riba e tema di criminalidad.
E mandatario a menciona di un Protocol cu a cera na 2013 y esnan cu a pidi e reunion tabata kier
sa con leu Gobierno a yega den ehecucion di e Protocol di 2013. Eman a splica cu den e Protocol
aki riba tereno di siguridad tabatin puntonan cu mester a keda ehecuta door di Ministerio di
Husticia, Ministerio Publico, Inmigracion, Polis y temanan di siguridad na school y den
barionan. Den e Dialogo Social Minister di Husticia a duna un presentacion riba tur e temanan
ehecuta di e Protocol y un presentacion di Minister di Enseñansa riba e pasonan cu ta tuma den
enseñansa y na schoolnan pa trece mas siguridad. Di Ministerio di Asuntonan General tambe a
keda di duna un relato di loke ta tumando luga cu Formacion Social, Naschoolse Opvang y
trabao den e barionan pa yuda hobennan haya e caminda corecto y con por yuda nan ora cu nan
desvia. Pero door cu e reunion tabata demasiado largo no a logra na e punto aki y ta spera cu den
e proximo encuentro e por worde presenta, ya cu nan ta forma parti di e totalidad di loke ta
worde haci. “Desaroya di e ciudadano ta cuminsa na cas, den e ambiente na cas, den e forma con