Page 21 - UTILITIES MAY 28,2015
P. 21
De Telegraaf
Wednesday, 27 May 2015 20:28
Comparti
Minister Mike de Meza den un entrevista diaranson a comparti e berdad encuanto di e declaracionnan
eroneo cu lider di MEP Evelyn Wever-Croes a duna De Telegraaf, cu a resulta den un articulo cu e titulo
“Nieuwe belastingrel Aruba” den e edicion di dia 27 di mei.
E protagonista di e supuesto “belastingrel” aki lo ta Minister Mike de Meza, kende supuestamente lo a
haya un “regalo” for di belastingkantoor den forma di un descuento cuantioso riba un boet di belasting
grandi di su negoshi MEM Consultancy.
Minister Mike de Meza tabata hopi fuerte den su contesta na Evelyn Wever-Croes. El a splica cu no ta bao
di gobierno di AVP, pero bao di gobierno di MEP mes su compania a haya e descuento aki y cu e ta
relaciona na un areglo entre e refineria y gobierno. Esaki ta stipula den e refineria su contract cu
gobierno cu ta data for di tempo di Coastal, de facto pues di tempo cu MEP tabata den gobierno.
De Meza a bisa cu ta indica y confirma den e articulo di De Telegraaf cu ta Evelyn Wever-Croes a
presenta e documento, caminda Wever-Croes ta insinua tambe cu e mandatario a haya cualkier areglo
particular na 2009.
Minister de Meza a cuestiona pakico Wever-Croes no a entrega keho contra di dje na Ministerio Publico
na Aruba y pakico e no ta realisa cu esaki tabata algo cu a pasa den e periodo di gobernacion di MEP y ta
trata di un areglo entre belastingdienst y Valero.
E minister a splica cu nan 1989 ora a firma gobierno a firma un contract cu Coastal pa opera e refineria a
inclui un areglo fiscal pa personanan cu ta traha na e refineria, sea ta pa e refineria directamente of pa un
compania cu tin contract cu e refineria. E aregla ta pa personanan cu no ta Hulandes y no ta biba na
Aruba, e asina yama ex-pats of ex-patriots.
E areglo, cu tabata wordo yama e “35% rule” ta bisa cu tur ex-pat trahando cu e refineria ta paga
loonbelasting riba 65% di nan bruto loon, o sea ta exhonera nan di paga loonbelasting riba 35% di nan
brutoloon.
E regla aki a sigui riba pia ora El Paso a tuma e refineria for di Coastal y tambe ora Valero a tuma e
refineria for di El Paso. El a wordo poni den e contract ta pa atrae specialistanan pa bin traha na Aruba
den e refineria.
E doñonan di e refineria a exigi den nan contractnan cu contratistanan tambe mester aplica e 35% rule y
cu si acaso gobierno of oficina di impuesto toch purba cobra e belasting aki y no kier reconoce e areglo e
operador (doño di e refineria) lo cubri tur gasto cu wordo impone pa belastingdienst riba e contratista.
