Page 28 - MIN VOS

Awe Lotto ta ranca sali cu e wega 1-

OFF

AUGUST 14, 2017Aruba News 139 Views

Tur cos ta cla pe wega nobo
ORANJESTAD, Aruba – 14 di Augustus, 2017: Diabierna Lotto a presenta nan wega di loteria nobo, esta 1-
OFF. Lotto ta entusiasma pa presenta e wega aki, unda cu comunidad tin mas chens di sigui gana diferente
premio. E wega nobo di 1-OFF ta uno di 4 cifra y esaki ta cay den e famia di e weganan como Catochi, Big 4 y
Zodiac. E wega di 1-OFF lo hunga tur dia, dialuna pa diasabra, merdia y anochi. Riba diadomingo tin sorteo
di merdia so, cu ta tuma luga 2:00PM.
Marketing Coordinator, Damaris Ridderstap a duna di conoce cu e wega di 1-OFF lo tin su propio sorteo y e ta
un wega cu e premio no ta acumula. E volgorde di e sorteo lo ta: Catochi, Big4, sigi pa 1-OFF, Zodiac y su
Signo y despues tin, manera semper, e weganan di jackpot. E forma con pa gana cu 1-OFF ta facil pasobra
esun cu cumpra e wega tin te cu 81 chens pa gana. Si e numbernan sali y e cumprado tambe a cumpra e
secuencia corecto, e tin e chens di gana 2500 florin, invertiendo 1 florin, cual ta un pida. Den e caso di 1-OFF
tin 80 chens mas pa gana pasobra e numbernan cu abo a kies por ta un mas, of un menos, cu e numbernan
ganado. Ta importante pa corda cu pa un persona por gana, bo numbernan mester ta den e mesun secuencia cu
e numbernan cu a sali ganado durante e sorteo. Si bo tin 1-OFF (un mas of un menos) riba 1 di bo numbernan
y bo a bet 1 florin, bo ta gana Afl. 100,-. Si bo tin 1-OFF riba 2 di bo numbernan y bo a bet 1 florin, bo ta gana
Afl. 25,- Si bo tin 1-OFF riba 3 di bo numbernan y bo a inverti 1 florin, bo ta gana Afl. 15,- y si bo tin riba tur
4 di bo numbernan 1-OFF y bo a inverti 1 florin, bo ta gana Afl. 50,-. Mas bo inverti/bet/cumpra, mas bo ta
gana.

E sorteo lo cuminsa dialuna 14 di augustus, 2017. Esunnan cu ta cumpra e wega por cuminsa cu 50ct (mita
pida) y e ta bay te un maximo di 50 florin. Ora cumpra cu 1 florin y bo numbernan sali den cabez bo ta gana
2500 florin. Si cumpra 50 florin, y bo numbernan sali den cabes, bo ta gana e premio maximo di 125 mil
florin. Ta importante pa corda pa un persona por gana, bo numbernan mester ta den secuencia.

“E wega ta uno nobo y e ta completamente diferente cu e weganan cu tin na e momentonan aki”, Sales &
Marketing Manager, Patrick Fortin a splica. “E wega aki ta algo nobo pa atrae hendenan cu semper tabata faya
pa 1 number y no tabatin e chens di gana algo. Esaki ta duna nan e chens pa sigui hunga nan number preferi y
toch cu chens di gana premio.” Prensa cu tabata presente a pasa un momento agradabel ora cu nan a haya e
oportunidad di hunga e wega.