Page 45 - MIN VOS

10 AWEMainta Diamars, 15 Augustus 2017

Lider Mike Eman:

AVP ta lansa Programa di Gobernacion ‘Padilanti’

den Conferencia di Prensa habri pa publico

PRESENTACION di Programa di Gobernacion ‘Padilanti’ di Partido di
Pueblo Arubano AVP ta parti culminante y nunca haci antes den historia di
Caribe Hulandes caminda a consulta cu mas di 1000 persona riba kico nan kier
mira den e siguiente gobernacion.
E producto di tur consulta y tur dialogo aki ta wordo presenta diamars di 6’or
di atardi den Renaissance Conference Center den un Conferencia di Prensa cu
ta habri pa publico.
Asina ta duna pueblo e plan y e vision pa por sigui padilanti di 2017 pa 2021,
lider di partido Mike Eman a splica.

Durante evento di 1000Voz e aña aki a puntra personanan pa enfoca hopi riba
locual nan ta sinti cu ta e potencial di Aruba, cua ta e necesidadnan di Aruba
awor y e necesidadnan di Aruba pa futuro. Hopi ta e aporte cu a haya for di tur
e mesanan ey y durante e simannan aki e comisionnan cu tabata na cabes di
redaccion di cada mesa a produci un resultado cu a sigui desaroya den comision-
nan mixto di partido AVP.
Ya for di ocho aña atras AVP a bin cu un filosofia di reparti e prosperidad den
nos comunidad; reparatietoeslag ta un ehempel di esey, aumento di bijstand ta
un ehempel di esey, schoolkinderentoeslag ta un ehempel di esey. Aumentonan
reciente atrobe den pensioen, den salario minimo, den reparatietoeslag, den
schoolkinderentoeslag, den bijstand den reduccion di prijs di coriente, tur ta
ehempel di unda e curason di e partido aki ta palpita y unda kier mira e futuro
di pais Aruba.

Un futuro caminda enseñansa ta bay tin un prioridad grandi tanto pa prepara
e hobennan pa futuro, como tambe pa sigui cu educacion pa adulto. Lifelong
Learning ta bay ta un di e ‘cornerstones’ di e programa 2017-2021. Proyectonan
pa garantisa cu cada ciudadano ta haya oportunidad pa yega na su maximo po-
tencial. Entrada mas y miho pa nos conciudadanonan cu ta traha, nos empleado
y pensionadonan; nos hobennan cu ta drenta mercado laboral pa nan por haya
un parti husto di loke e mercado economico ta provee.

“Laga e mercado aki sigui crece ta aspectonan fundamental pa garantisa cu, rib’e
stabilidad cu nos a crea cu e ekipo cu nos a bin cu ne di persona cu tin experien-
cia y cu a demostra caba, combina cu e personanan cu a drenta awo cu un toke
adicional pa seguridad, pa inovacion, pa arte, pa cultura, pa representa new mil-
lennials; cada un a wordo escogi pa por tin un ekipo completo di e partido aki pa
cumpli cu e futuro di pais Aruba”, asina lider di partido AVP a finalisa bisando.