Page 8 - MIN JUS_Neat
P. 8
4 AWEMainta Dialuna, 19 Juni 2017
Team di Aresto
A detene un atracador Arubiano den
caso unda a bay cu 10 mil florin
VOCERO suplente di Polis, Liliana Rasmi-
jn a informa nos di AWEMainta, cu diasabra
mainta pa 10:46 personal di Team di Atraco
a detene e prome sospechoso den e atraco cu
a tuma lugar diabierna mainta na un negoshi
na Socotorolaan 5 na Playa.
E sosopecho ta Eric E.de Cuba, naci na
Aruba. E detecion a tuma lugar banda di un
supermarket na L.G. Smith Blvd p’e mesun
personal di Atraco Team.
Eric de Cuba no ta un desconoci pa husticia,
ya den pasado el a keda deteni caba na varios
occasion. Aparentemente e no tin miedo di
bay sera na KIA, pasobra a keda demostra
cu e no a drecha.
No por descarta cu lo tin mas detencion den
e dianan cu ta bin. Atraco Team ta trahando
incansablemente p’asina pone man riba e
malhechornan. Hopi bon trabao.
Danki ta bay n’e pueblo di Aruba cu sa di
duna tipnan balioso via e tiplijn di Polis cu ta
11141, sigur despues di mira e potretnan den
edicion di AWEMainta di diasabra ultimo.
Diabierne anochi
Otro caso di atraco na
Jaburibari pa bay cu 750 florin
DIABIERNA anochi pa 9:45 un yamada ta drenta na Centrale Post
di Polis cu un atraco a caba di tuma lugar na un cas na Jaburibari.
Patruye Policial ta yega n’e cas y ta haya un señora cu ta conta cu 3
hende homber cu un arma di candela a drenta den su kamber y atrake.
N’e cas e señora tabata cu su 4 yiunan chikito. Un di e atracadornan
a bisa e señora pa dune placa, sino nan ta bay cu e baby. E señora a
dune e placa y asina nan a dune e baby bek .
E atracadornan no tabatin cara tapa y nan a papia Spaño. Nan a
bay cu Afl 750,- .
Nan lo mester a bula e cura y a huy na pia.
Cortesia di 24 Ora.com Team di Atraco a presenta pa haci investigacion y Yudanza pa Vic-
tima (Slachtofferhulp) tambe a presenta, debi cu e señora a keda hopi
spanta. Ken cu por a wak of sa algo yama e tiplijn di Polis 11141.
