Page 21 - awem

AWEMainta Diahuebs, 23 Juli 2015 21

GAC
Teambuilding
Event

DIAMARS dia 7 di juli, 2015, GenAir Activities

Committee (GAC) cu ta consisti di empleadonan di
General Air Services of Aruba, a tene un anochi di
actividad di Zaal voetbal sumamente placentero na
Eagle Club.
E actividad tabata un muestra di aprecio pa e bon
trabow cu e empleado nan ta hasiendo tur dia. E evento
a bay sumamente exitoso caminda empleadonan a
forma nan team, no solamente di empleadonan di nan
departamento, sino a incorpora diferente departamento
huntu, locual ta demostra e teamwork entre diferente
departamento.
Team di diferente departamento manera rampa,
customer service agents, security di avsec, y calloway
a competi contra otro y demostra nan abilidad riba e
tereno di zaal voetbal.
Como team ganador a resulta e team cu a jama nan mes
Cupcakes cu consisti di empleadonan di Charter, Arrival
Services, JetBlue, Terminal Services y tambe HR.
Segundo lugar a resulta e team di Caba Cos consisti di
empleadonan di Rampa y Operations
Y na tercer lugar e team di Calloway.
GAC kier a gradici tur e empleadonan di GenAir cu a
participa na e actividad di Zaal voetbal y a haci e anochi
aki uno sumamente ameno y na mes momento invita nan
pa keda pendiente pa e sigiuente actividad den luna di
September cu lo ta softball y tambe invita nan pa inscribi
pa e song festival cu lo tuma lugar den luna di november.