Page 30 - ARUBA BANK

ta sumamente contento. Ta un chansa cu a bira realidad y ya esaki ta di 10 aña
caba. Den e 10 añanan aki, a bay diferente caminda. Nan tabata na Archivo
Nacional, tabata den RBC den Caya. Tabata na Inside Studio di Alida Martinez.

Esnan cu a cuminsa cun’e tambe tabata Alida Martinez, kende a yuda Vrolijk na
comienso di e exposicion.

Vrolijk ta gradici RBC Bank cu pa 10 aña a tuma e proyecto cu dos man. Por
bisa cu ta di tempo di Edna Farro cu Robert Moonse, despues a sigui cu Pierre

Rafini y cu e proyecto ta exitoso. Por tribi di bisa tambe cu esaki ta un di e
ultimo actividadnan cu tin pa prensa awendia, compara cu antes.

Vrolijk tambe ta gradici tur hende cu ta yudando di un of otro manera, cu su
soño a bira realidad y cu despues di 10 aña e por bisa, cu e ta grandi, e ta bon
y cu e aña aki tambe ta celebrando 40 aña den prensa.

E potretnan cu a keda exponi durante aña ta wordo activa awo na Archivo. E
prome aña e tabata hopi grandi y e di tres aña tambe. E reaccion ta bon, segun

Vrolijk. Comentario cu e ta haya riba Facebook, unda cu ta felicit’e y gradici’e.
Tempo cu Vrolijk a cuminsa cu e proyecto tabata tin un bashi pa 18 aña largo,

cu prensa no tabata tin exposicion. Si Vrolijk no a bin cun’e, lo tabata 28 aña
sin exposicion.

RBC Bank tin 10 aña ta yuda e expo Lens di mi Wowo. Pierre Rafini ta splica con
importante ta pa sostene prensa, pa proyectonan asina di fotografia.

E exposicion aki a bira parti di tradicion di Dia di Prensa. Rafini ta contento cu
Vrolijk a menciona cu esaki ta un di e poco actividadnan, sino e unico actividad

cu ta wordo organisa pa duna prensa un elogio pa e trabao duro cu nan ta
haciendo. Haciendo esaki, RBC kier a reconoce y contribui na e desaroyo di e

trabao di prensa na Aruba, caminda cu ainda tin e privilegio di biba riba un isla,
caminda cu prensa ta liber. Caminda por tin e posibilidad di expresion, di

opinion, sin cu tin cualkier un persecucion den ki forma what so ever. Esaki no
kiermen cu e trabao di prensa ta facil. E trabao di prensa ta keda uno hopi duro,
pasobra Aruba, mescos cu cada pais ta sigui desaroya su mes. Awendia, si bo

no ta na e momento di e suceso, bo no ta capta atencion di e hendenan mas.
Esun cu ta eynan prome cu ta duna e noticia, esey ta haya e viewernan, esey ta

haya e rating, esey ta haya e sponsornan. Prensa eigenlijk na Aruba ta 24 ora.