Page 5 - Extra

Djarason 17 Febrüari 2016 5

...Minister Rhuggenaath...

WAK
POSIBILIDAT
PA DESAROYA
BULLENBAAI

WILLEMSTAD.- E
posibilidatnan di desaroyo
pa Kòrsou tei, pero mester
studia nan pa wak e
faktibilidat. Minister
Eugene Rhuggenaath,
enkargá ku Desaroyo
Ekonómiko ta mira ku tin
posibilidat pa desaroyá
Bullenbaai i den e kuadro
ei el a buska un aliansa
entre Curaçao Ports
Authority (CPA) i Ports of
Rotterdam. Nan tin hopi
ekspertisio i relashonnan
internashonal. Ta bon
pa wak kiko por hasi ku
Bullenbaai.

Den kombersashon ku
e mandatario di ekonomia
el a mustra interes pa un
akuerdo ku e kompania di
Rotterdam.

Mester wak kon
nan lo por yuda a base
di e konosementu i
relashonnan internashonal
ku nan tin. Mester por
desaroyá Bullenbaai den
un haf nobo pa Kòrsou.

E mandatario ta mira
posibilidat pa Ports
of Rotterdam tin un
partisipashon, maske ta
mínimo den CPA pa asina
nan tin un kompromiso.
Nan por embolbí CPA
den nan aktividatnan
internashonal den region.

Ta bon pa EXTRA
apuntá ku te ku awor e
úniko ku ta tuma lugá na
Bullenbaai ta transbordo
di zeta di tankeronan
pa tankinan i visevèrsa.
Bullenbaai ta un área
sumamente importante di
desaroyo.