Page 14 - UTILITIES
P. 14
Azeta riba beach banda pabao di
Aruba
24 July, 2017
0
Den fin di siman, patruya di Strandpolitie a bay patras di un high rise hotel den
cuadro di azeta riba beach. Eynan polis a papia cu security di dicho hotel, unda
cu el a mustra polis un “floater” cu azeta riba dje y a declara cu un turista a
drenta awa y a sali bek sumamente disgusta pasobra e “floater” tabata tin azeta
preto riba dje. Central a wordo poni na altura.
Oficialmente no a tende nada di autoridadnan competente, y ta spera cu esaki
por wordo tuma na serio, y haci e investigacion necesario. No mester pasa
manera ultimo biaha, cu a warda pa full costa noord tabata na petroleo, pa e
ora tuma e pasonan necesario, mientras cu tabata sa di antemano caba kico
tabata spera nos. Aruba su unico pilar di economia, ta e industria turistico y
asina cu azeta cuminsa yega na nos beachnan banda di e highriste hotelnan,
nos sa cu e ta bira un situacion delicado, cu lo por resulta den un berdadero
desaster.
Kisas esaki por ta un caso isola, pero cu mester wordo tuma na serio.
