Page 61 - KPA APRIL 17
P. 61
Polis ta contribui na limpiesa y siguridad pa muchanan hunga
Apr 17th, 2015
Local
Conscientisacion ta e prome meta di un accion cu a tuma luga siman pasa den Madiki, cual ta
cay bao di Districto 1 (Oranjestad) pa Cuerpo Policial di Aruba. Agentenan policial hoben y
dinamico, algun di nan ya caba activo full time y otronan cu ta studiando na Scol pa Polis, a uni
pa un proyecto di conscientisacion cu a cuminsa cu e accion di limpiesa di un speeltuin den e
bario menciona. E areanan di enfoke ta medio ambiente – particularmente sushi y asina yama
“zwerfvuil”, siguridad, y conducta y custumbernan ehemplar pa nos muchanan.
Tres polis a tuma e liderazgo den e proyecto pa haci e parke limpi cu asistencia di Serlimar y lo
sigui cu e proceso di conscientisacion, control y sancion. Nan lo ta expandiendo e area di trabao
y lo cubri cu tempo ful Districto 1. Tambe a acerca Fantastic Gardens cu ta contribuyendo cu un
borchi di “No tira sushi” pa e speeltuin.
Agent Eerste Klasse, Raysell G Martis , Jamal V.K. Courtar caminda cu Agentenan Jennysela
Tromp , Ender da Silva y Agent in Opleiding Jonathan Yarzagaray a splica pakico nan a scoge e
speeltuin na Madiki y kico lo ta e siguiente fasenan di e proyecto.
Jennysela Tromp a splica cu e grupo aki a scoge “Zwerfvuil” como nan tema y punto di salida,
pasobra na Aruba por wak hopi sushi na diferente luga riba terenonan publico. Durante di varios
control, nan a mira e speeltuin na Madiki yen di sushi, incluyendo sushi di cas cu por a bin cu
biento y pega eyden, pero tambe obhetonan cu a wordo intencionalmente deposita den e park,
manera television bieu, bestia morto y maleta. Nan a saca potret, haci un analisis y acerca
Serlimar pa asistencia.
Apr 17th, 2015
Local
Conscientisacion ta e prome meta di un accion cu a tuma luga siman pasa den Madiki, cual ta
cay bao di Districto 1 (Oranjestad) pa Cuerpo Policial di Aruba. Agentenan policial hoben y
dinamico, algun di nan ya caba activo full time y otronan cu ta studiando na Scol pa Polis, a uni
pa un proyecto di conscientisacion cu a cuminsa cu e accion di limpiesa di un speeltuin den e
bario menciona. E areanan di enfoke ta medio ambiente – particularmente sushi y asina yama
“zwerfvuil”, siguridad, y conducta y custumbernan ehemplar pa nos muchanan.
Tres polis a tuma e liderazgo den e proyecto pa haci e parke limpi cu asistencia di Serlimar y lo
sigui cu e proceso di conscientisacion, control y sancion. Nan lo ta expandiendo e area di trabao
y lo cubri cu tempo ful Districto 1. Tambe a acerca Fantastic Gardens cu ta contribuyendo cu un
borchi di “No tira sushi” pa e speeltuin.
Agent Eerste Klasse, Raysell G Martis , Jamal V.K. Courtar caminda cu Agentenan Jennysela
Tromp , Ender da Silva y Agent in Opleiding Jonathan Yarzagaray a splica pakico nan a scoge e
speeltuin na Madiki y kico lo ta e siguiente fasenan di e proyecto.
Jennysela Tromp a splica cu e grupo aki a scoge “Zwerfvuil” como nan tema y punto di salida,
pasobra na Aruba por wak hopi sushi na diferente luga riba terenonan publico. Durante di varios
control, nan a mira e speeltuin na Madiki yen di sushi, incluyendo sushi di cas cu por a bin cu
biento y pega eyden, pero tambe obhetonan cu a wordo intencionalmente deposita den e park,
manera television bieu, bestia morto y maleta. Nan a saca potret, haci un analisis y acerca
Serlimar pa asistencia.
