Page 16 - ARUBA BANK 30 NOV 2015

DIALUNA 30 NOVEMBER 2015 DIARIO
Falta personal
Cantidad di barco di Venezuela drentando Aruba ta haci e
control di Douane uno imposibel
O R A N J E S TA D ( A A N ) :
Edward Maduro presidente
di SADA a splica cu e mes
tabata traha riba waf medio
2014 y mirando e situacion ta
full diferente cu un aña y mey
pasa. E cantidad di fluho di
barco ta inmenso. No sa kico
PAGINA 7
a pone cu tin tanto lancha a
subi. Diabierna mainta so,
33 barco a yega, caminda cu
antes, riba un dia druk, tin
10 of 12 ta yega. E barconan
ta yega inespera, pues no tin
un orario fiho. E cantidad di
personal ta menos cu un aña
pasa pa controla asina tanto
barco.
Maduro por a ripara cu no
tin luga pa asina tanto barco.
Kico nan ta haci, nan ta mara
na otro bay afo. Esun cu yega
prome ta mara na e pier. Esun
cu yega despues ta mara na
dje. Si atardi tin 10 barco, tin
cu bula 10 barco pa bay haci
e controlnan necesario y esey
no ta safe.
Lama no ta para keto. E
ambtenaar por slip, botonan ta
bin muha, e uniformnan cu tin
no ta adecuado pa traha riba e
waf, sapatonan no ta antislip,
den tur sentido di palabra, no
ta adecuado.
Desde 2011 Maduro ta
treciendo dilanti na gerencia
pa arma e douaneronan cu ta
traha riba waf. Ta hopi laat cu
esey, el a splica. E no mester
sosode awo, sino añanan atras,
mirando con e situacion ta
birando actualmente. Tin hopi
problema cu tripulantenan
di barconan cu ta bin di afo,
pero tambe tin hopi problema
cu e localnan mes ora nan
ta regresa di Venezuela por
ehempel, cu nan no tin e
respet pa douane. Nan ta wak
douane para eynan, sin nada,
nan no tin e respet y esey ta
caminda cu ta trece dilanti cu
mester arma e cuerpo sigur na
Barcadera.
Ora nan ta tene nan control
madruga y anochi, nan ta wak
botonan sospechoso ta pasa,
seadoonan ta pasa, nan no sa
ken ta eyfo y nan ta sin arma,
sin ningun tipo di proteccion
personal, Maduro a splica por
ultimo.