Page 32 - KPA Feb 9 ,2015
P. 32
PAGINA 36 DIARIO DIALUNA 9 FEBRUARI 2015
16 detencion den Lighting Parade 2015 compara cu 21
den 2014
ORANJESTAD (AAN):
Polisnan durante e actividad
di Lighting Parade a haci un
total di 16 detencion. Esaki
ta Lighting Parade 2015. Den
2014 e cantidad tabata di
21. E casonan ta varia pero
practicamente tur tin di haber
cu influencia di alcohol. Sea
pa pelea durante parade of
buracheria tabata e motibonan
cu tabata haci e detencionnan.
Tabata tin chauffeur bebi
tambe cu a keda deteni.
E parada a bai basta rustig.
Ora detencion cay mesora e
transporte di CEA ta wordo
pidi. Asina ta hiba e hendenan
warda unda fiscal auxiliar tey
pa cuminsa cu e proceso di
detencion pa mira si tur cos
ta legal. Representantenan di
Ministerio Publico tambe ta
na warda. Nan ta yama fiscal
cu ta fiha e multa mesora.
Mester paga e suma tambe
dor di sea swipe of trece placa
cash. E cantidad di detencion
a baha. E parada mes a bai sin
mucho incidente.
