Page 66 - KPA Feb 9 ,2015

Dama chauffeur hopi bebi den accidente unda motociclista a
keda herida

Sunday, 08 February 2015 05:10
Comparti

Con e accidente a pasa y kende a ocasiona esaki ainda mester bai wordo determina cu tur exactitud. Un
cos ta sigur cu un di e chauffeurnan ta asina bebi cu e no por a ni supla. Ta trata di un dama cu tabata
coriendo su Kia Sportage.
E tabata banda di e cruzada di Maria College y a drenta Van Leeuwenhoekstraat. Eynan un Harley
Davidson a pasa raspa su auto na banda di pasahero y causa danjo tambe na e body y e wiel patras. E
auto no por a sigui core. E dana chauffeur di e Kia no sa mes si ta un auto of un brommer. El a bisa polis
cu un auto a dale core bai. Ainda e momento ey e no sa mes cu tin un motociclista herida benta un poco
mas panort na e cruzada. El a para 50 meter leu di e accidente. Prome cu polis a puntre e mes a splica
polis cu el a caba di traha y cu e no a bebe. Casi e no por a para riba su pia. E tabata cu su ruman homber
den auto cu tambe tabata basta bebi. Nan tabata trankil si. Ora polis a pidi e dama chauffeur pa supla e
no tabata por. Sea e tabata supla poco of tabata chupa na lugar di supla. Finalmente despues di ocho
intento a bai over na detencion pa asina hibe na e machine mas grandi. E manehador di e brommer a
wordo hiba cu fractura na pia den ambulance pa Hospital. E tabata na tino pero cu hopi dolor.