Page 18 - Awemainta
P. 18
18 AWEMainta Diamars, 22 December 2015
Tradicional ‘Concierto di Speransa’
di partido AVP un bes mas exitoso
‘CONCIERTO di Speransa’ di partido AVP ta un
tradicon di añanan caba. Un tradicion cu ta keda cu su
propio estilo. Partido AVP durante dianan di fiesta di
Nacemento di Hesus y Fin di Aña ta ofrece pueblo di
Aruba un bunita concierto varia unda tur hende ta bon
bini pa bin celebra cu partido den un ambiente special
y cu animacion musical.
Durante e anochi aki a bende platonan tradicional di
Pasco na prijsnan razonabel cu ta na alcanse di un y tur.
Un cantidad grandi di grupo a subi scenario pa deleita e
publico cu nan cancionnan di e temporada aki.
Lider di partido AVP y alabes Prome Minister di pais
Aruba, Mike Eman y señora Doina tabata presente pa
saluda e publico y desea tur hende feliz dianan di fiesta.
Tradiconnan tey pa keda. Asina t’e caso cu Concierto di
Speransa. Un bunita y special tradicion.
