Page 10 - Lotto 14 March 2015

Den e weekend binidero pa ser exacto e dianan 13, 14 y 15 di maart, un delegacion Arubano den e
deporte di atletismo lo ta na nos hermana isla di Corsou, unda nan lo competi den e Dutch Caribbean
Invitational.
Na Corsow, e atletanan lo competi den varios disciplina pa despues saca un seleccion final cu lo
participa na e Carifta Youth World y e Junior Panamericano. E atletanan cu lo participa ta Reginald Koc,
Lixandra Geerman y Tony – Lisa Brown di e club Y-Track, e hoben Candy Croes di Olimpia, mientras e
club &-21 lo wordo representa pa e atletanan Julianne Dorothal, Wuill Vrolijk y Naomi Richardson.
Mester bisa cu pa e Heptathlon, e hoben Julienne ya a clasifica pa Carifta, mientras Wuill Vrolijk, cu ta e
medayista di oro na Cali, a clasifica pa bula halto pa loke ta e Carifta. E otro atletanan, Toni Lisa y
Reginald ta buscando nan clasificacion pa Carifta y Junior Panam. E otro atleta Candy Croes ta
candidato pa competi den e Youth World na juli na Cali
Un danki sigur na Lotto, e Loteria di Aruba pa medio di Comision di Subsidio cu lo subsidia e biahe di e
atletanan pa e competencia Dutch Caribbean Invitational na Corsou.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.

http://masnoticia.com/atletanan-di-aruba-lo-competi-den-e-dutch-caribbean-invitational-na-corsou/

http://masnoticia.com/resultado-di-weganan-di-number-anochi-13-maart-2015/