Page 36 - FDLP
P. 36
E caminatanan aki ta un training p’e participantenan, kendenan ta preparando p’e
caminata grandi di metaCorp.
Diadomingo mainta na Cacique Macuarima School hopi empleado a yega pa participa na
e Macuarima Walk. Desde mainta trempan participantenan a yega, pa por sea pa cana of
core. E biaha aki e participantenan a cana y core 7 KM.
Diaranson empleadonan a yega Linear Park band’i aeropuerto pa asina sigui cu nan
training. E participantenan a stretch nan mes bon pa asina nan por a cana y core e
distancia di 5.5 KM. Despues di e caminata tur hende tabata sinti nan bon y tabata
contento di e oportunidad cu nan a ricibi pa participa den caminatanan aki.
Empleadonan tabata entusiasma pa prepara nan mes pa e caminata di dia 1 di Juli
proximo. Pa MetaCorp e salud di su empleadonan ta masha importante y p’esey pa 7
siman largo tin diferente caminata.
E siguiente caminata lo ta diasabra pa 6’or di mainta na Fisherman’s Hut, cual caminata
lo ta di 5.5 KM y 9 KM. E team dinamico di MetaFit ta invita tur empleado di MetaCorp
pa participa na e caminatanan di 7 siman largo.
