Page 5 - MIN.ON FEB 24,2015

24 AWEMainta Diamars, 24 Februari 2015

Directora di Scol Preparatorio ‘Nos Paraiso’

E trabou cu e boluntarionan a haci pa nos ta
un obra bunita

PA Gabinete Mike Eman I y II un vision
importante pa por logra un Aruba nobo ta
comunitarismo.
E ta nifica yuda esnan rond di bo den forma
boluntario. Pero principalmente yuda
instancianan cu mester di ayudo cu nan
proyectonan.
Despues di a renoba barionan, a mustra e
habitantenan cu nan por yuda nan mes y nan
bario formando comisionnan cu ta mira unda cu
mester yuda pa mantene nan becindario bunita.
Na momento cu e concepto aki a wordo pasa
over, a cuminsa cu e proyecto di Accion Pinta
BoBario. Tur fin di siman riba diasabra, un grupo
di persona den forma boluntario ta compaña
Prome Minister Eman y ta encurasha otro
ciudadanonan di e bario pa duna un man den
proyectonan.
Diasabra ultimo e grupo a haci algun trabou na
Scol Preparatorio Nos Paraiso na Paradera.
E boluntarionan ta empleadonan cu ta traha
den siman y fin di siman den nan tempo liber ta
dedica un dia na haci algo pa comunidad.
Tambe tabatin algun mayor presente pa yuda e
scol di nan bario.
“Nos ta hopi agradecido cu e trabou aki y tur
esnan cu a bin duna un man pa yuda nos,” sra.
Lilian de Kort-Boekhoudt, Directora di e scol
a bisa. El a splica cu tabata haci mantencion,
pero cosnan chikito. E Directora tabatin bunita
palabranan di elogio pa tur e boluntarionan cu
ta pone nan dia liber disponibel pa haci e tipo di
trabounan aki.