Page 92 - KPA - JUNI 8,2015

Investigacion riba caminda di Saliña despues

cu auto a hit & run un motociclista

on: Monday, June 8, 2015In: PolicialNo Comments
Print Email

Diadomingo den oranan di anochi riba caminda di Saliña pa bay Westpunt altura di Sunny
Supermarket a sucede un accidente unda un auto a dal un scooter bay laga e victima benta abou
herida. Algun habitante cu a tende e desordo a sali wak y a mira con un toyota prado preto ta
bandona e sitio despues di a dal un dama riba scooter, e auto a bay direccion noord. E tata di e
mucha muher a presenta na e sitio y bay cune hospital di cual e tabatin heridanan na pia pero
ningun momento a yama ambulance ni polis. Ora cu na Hospital e tata a pone e dokternan na
altura di e situacion a avisa Central di Polis di cual Unidad Policial di trafico a bay pa e sitio pa
haci investigacion. Unidad di K9 Unit policial tambe a yuda cera caminda pa asina trafico haci
nan investigacion unda e dalmento aki a sucede. E scooter un habitante tabata tine warda pa Polis
y aki a haci investigacion na e sitio y tuma e scooter den beslag. Patruya a bay core rond si por
topa cu e auto den bisindario y na un cas den Wespunt a topa cu e prado staciona pafo di e cas cu
sla dilanti. E chauffeur mes no tabata sali pa Polis, pero despues di varios intento esaki a logra
sali y Polis ta detene hibe warda pa posibel core auto bou influencia. Mientras e dama na hospital
herida a keda interna di biaha debi na e herida serio cu e la haya na su pia.