Page 4 - AWEM 23-Mrt-2015

4 AWEMainta Dialuna, 23 Maart 2015

Rene Herde

Reforma Fiscal mester
duna resultado concreto pa tur

sector di comunidad

Mester siña di experiencia di otro paisnan!

E reforma di nos sistema di belasting mester duna resultado concreto pa tur sector di nos comunidad.
Contrario na pasado y consehonan di ‹expertonan cu bista limita›, e accionnan di Gobierno mester
sirbi mas cu Gobierno so.
Den pasado e introduccion di e BBO a sirbi solamente Gobierno. Gobierno di MEP a haya
hopi mas placa dor di e BBO, pero pueblo y comercio no a wak niun beneficio. Ni directo
ni indirecto.
E reforma di belasting cu Gobierno a anuncia siman pasa no por tin e mesun efecto limita.
Esaki ta loke e fraccion di AVP a fiha como exigencia n’e proposicionnan, según líder di
fracción di AVP, drs. Rene (Baba) Herde.
Tambe por siña di e introduccion di cambionan den sistema di belasting den otro paisnan.
Hopi biaha den otro paisnan e reformanan no a duna e resultado desea pa motibo di falta
di maneho di gobierno.

EFECTONAN DESEA DI REFORMA FISCAL
E resultadonan cu fraccion di AVP ta spera di e reforma fiscal ta manera a pone e.o. den
programanan di partido for di 2009.
Pa pueblo AVP ta spera un sistema di belasting cu ta mas facil pa cumpli cun’e y cu ta elimina
cobransanan añanan despues.
Ora un hende no cumpli cu su responsabilidad como ciudadano so e cobransa mester bin
despues. Tambe ta spera cu e peso di belasting no bira mas halto. Si ta posibel menos.
Dor di reduci belastingnan directo manera belasting riba salario. Por logra esaki sin perde
entrada pa Gobierno, dor di busca mas entrada den belasting indirecto cu no ta trahadornan
so ta paga, pero tur hende cu bin of cu ta biba na Aruba.
Awor aki e belasting riba salario (Loonbelasting) ta un di e fuentenan di entrada mas im-
portante di Gobierno.

COMERCIO Y INDUSTRIA
Pa comercio y industria (sector priva) AVP ta spera tambe un sistema cu ta haci’e mas facil
pa doñonan di empresa paga nan belasting na tempo, den un sistema automatisa cu ta
elimina e administracion exagera.
Tambe ta spera cu no ta aumenta e peso di belasting. Di e forma aki Gobierno lo haya e
belasting cu comercio mester paga mas liher.
Na mes momento un sistema mas transparente y cu menos peso pa sector priva lo contribui
na crea mas cupo di trabou den sector priva.

GOBIERNO
Pa Gobierno e resultado mester t’e eliminacion di belasting atrasa manera a sosode for di
2001. E belasting atrasa aki a aumenta te yega mas o menos 2.2 biyon florin.
Cu e placa aki of hasta mitar, didje, lo por elimina e deficit riba presupuesto y haci’e inec-
esario pa fia placa pa presupuesto, según Rene Herde.
Solamente lo mester fia pa haci inversion mescos cu sector priva. Un resultado positivo pa
Gobierno mester ta tambe cu e necesidad pa mas hende den servicio di Gobierno ta baha
y e servicio automatisa di belasting ta percura pa mihor servicio na ciudadano y comercio.

Pa fraccion di AVP esakinan ta algun di e efectonan positivo cu ta spera di e reforma. Esun
mas importante ta cu e sistema di belasting nobo hunto cu accionnan specifico di Gobierno,
lo conduci na mas inversion di sector priva y den sectornan nobo di economia y creacion
di cuponan di trabou nobo.
Di e forma aki ta logra e meta di diversifica nos economia, mientras ta sigui inverti hopi den
mehora e calidad di turismo, cu lo keda e pilar economico principal pa awor.
Pa AVP t’asina ta usa tur instrumento fiscal y desicionnan politico pa sigura crecemento
economico y mehora posicion social di henter comunidad, según Rene Herde.