Page 20 - LOTTO

Conose Aruba su miyonario cu Mini Mega

Wednesday, 28 June 2017 16:28
Comparti

Cumprando un ticket loco di Mini Mega na delaster momento, na Monserat Lottery, e la bira gana Afl.
1.250.000,- . Esey ta e mita di e jackpot di Mini Mega cu tawatin pa sorteo di diamars, 27 di juni, 2017.
Numbernan cu Vladimir S. a gana cune ta 02-03- 19-22 Mega Ball 06. E sorteo miyonario di diamars a
conose 2 ganado.

E otro ticket a wordo cumpra na Hey You Lottery, cu e Mega Plus. Diaranson merdia Vladimir a dicidi pa
bay wak cua number a sali. Ora cu e la mira e numbernan riba e borchi e la puntra e rebendedo si e
numbernan ta bon di berdad, paso e tin nan. Mes ora e la sali bin oficina principal di Lotto, na
Paardenbaaistraat 10, pa cobra su premio. Vladimir a bisa cu e prome sonjo cu lo bira realidad ta compra
di su propio cas. Lotto Aruba ta felicita Vladimir S. cu awo ta un miyonario danki na Lotto, E Loteria di
Aruba. E otro ganado a gana e suma miyonario di 2.450.000 florin. E jackpot di Mini Mega tawata na 2.5
miyon y e Mega Plus 1.2 miyon florin extra. Pues e ta gana mita di e jackpot di Mini Mega, pero e jackpot
di Mega Plus si ta full di dje. Nos ta warda bo na oficina cu bo ticket ganado y ID valido dentro di 90 dia.
Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto,
Lotto di Dia, Lotto 5, Mini Mega cu su Mega Plus y e diferente weganan di Raspa Y Gana. Cumprando
Lotto bo ta contribui na deporte riba nos isla. Meta di e fundacion ta pa organisa loteria, cambia bida di
su hungadonan y na mes momento inverti den deporte local pa medio di donacionnan na e comision di
subsidio.