Page 44 - DIARIO 30APR15

PAGINA 44 DIARIO
Jan cu Bep manteniendo e promesa:
“te cu morto separa nos!”
(Parti 2)
Den e prome parti di e relato tocante Jan cu Bep, a termina ay-
era unda e famia no tabata tin placa pa cumpra necesidadnan
pa warda, e asina yama “hamster” .
Ta for di e periodo aki, te cu awe, cu 10 aña di edad, Bep a siña
di warda cos y no tira tur cos afo.
Durante di dos guera mundial, hopi biaha e tabata haak mea;
mea te na rudia y sweater usando hilo di pañanan di cama. E
hilo tabata wordo lora na rol y usa pa haak of cose.
Di un jas chikito di su ruman homber y un carson di su tata, el
a traha un shimis pa su ruman muher chikito. Tur caminda el a
trata di haci uso di locual por usa y biba sin coriente, of gas .
Biba cu poco of sin awa ni cuminda.
HAMBER Y SED
Cuatro bulto di bola di tulp a wordo entrega na cas y bisiñanan
a kere cu tabata trata di batata.
Nan a bin aglomera dilanti porta pa pidi pa batata. Tur a ban-
dona cas cu bolanan di tulp lora den paña of den saco of tas.
“Nos mama tabata bisa nos; ora guera caba mi lo ta curio-
so pa sa ki ora e tulpnan a cuminza crece for di boso orea.
Cu nos a sobrevivi e winter teribel di hamber ta un milager
di cual te awe mi ta masha gradici. Nunca mi lo por lubida
e frialdad, hamber y sed,” Bep a relata.
Riba Shieweg, por a cumpra un baki di opklop, cu ta mas o me-
nos algo manera ijscream, of lechi bati, cu sucu aden y congela.
Bep tabata tin diez placa y el a dicidi di cumpra un baki chikito
cu opklop. El a cana bay cas poco poco pa na caminda, cu un
palito cu el a usa como un spatula, saca e opklop y come.
Pero saliendo di e toko of tiendacita, el a lubida cu biento tabata celebra 60 aña casa e aña aki, cu su esposo Jan cu diasabra
supla masha fuerte y e biento a zwaai e baki for di su man y tur
cos a plama riba caya. Eynan mes el a dicidi di cay sinta, y come
e opklop. “Mi a sintimi mas yen pa un rato”, el a skirbi.
El a splica cu nan caya na Rotterdam, tabata yega na e punto
cu a cruza cu Bergselaan unda linea 11 di tram ta core y cu fi-
nal di e caya ta na e crusada cu Willebrordusstraat cu ta traha
di piedra. Pero Bergselaan tabata un caminda traha di asfalt.
Nan a dicidi hunto pa den e caya Bergselaan nan ranca e asfalt
unda cu por y hiba esaki cas .
Nan ta tira esaki den e stove di piedra chikito pafo di cas, pa
cushina e bolanan di tulp y “suikerbiet”. Nan mama semper a
bisa nan: “Mi ta curioso pa sa ki dia e tulpnan ta sali for di
boso orea”.
Bet a splica: “Nos tabata tin mucho poco di tur cos y no
tabata limpi tampoco. Cushinamento cu asfalt ta haci cu e
huma ta laga bo cara bira preto. Pero no tabata nos so. Ora
cu guera a caba, nos mester a bay cu un serbete of slopi
na un scol special unda nan a spuit nos curpa completo cu
D.D.T.”
“Nos cabey mester a wordo tapa cu e pañanan pasobra e
D.D.T. tabata venenoso, mi ta kere. Di Bert mi tin cu bisa
cu e tabata scondi durante guera (onderduiker) y mester a
traha duro. E tempo ey Bert no kier a papia di esaki. Kizas
despues el a conta su señora Mien?”
MISA SCONDI
Bep a relata cu e ta corda ainda cu Bert cu su amigonan Piet
Noordam y Joop Fransen, tempo cu misa no por a alcanza hen-
denan surdo mas cu nan aparatonan special, den cas di famia
Noordam tur diadomingo tabata tene misa y Piet tabata toca
orgel y Joop tabata haci tur cos pa e servicio termina bon y na
satifaccion di tur hende.
Tur esnan surdo cu tabata bay eynan semper tabata contento
y gradici cu tabata corda riba nan. Cu tocamento di orgel di Pa
y Sra. Sjouke tur hende por a canta masha entusiasma ora tin
reunion na cas di famia di Bep den kelder of na piso mas ariba
unda Sra. Sjouke tabata bishita e 3 damanan di edad grandi di
mas di 80 aña. ningun hende por a sali di cas aunke tabata haci
DIAHUEBS 30 APRIL 2015
esaki cu masha cautela.
“Nos mama tabata wordo busca inespera pa un fayeci-
mento of pa hiba hende malo docter of cerca señora den
Besten den e mes caya. Na varios ocasion “Moe” mester a
wordo busca pa asisti cu nacemento di un baby. Nos mama
no tabata studia pa haci e trabaonan aki, pero tabata yuda
unda cu por. Ki ora e ta haci esey y unda mi no sa pero si
cu esakinan a sosode”, Bep a conta.
5 di MEI 1945
Un fecha cu Bep nunca lo lubida ta dia 5 di mei 1945 ora cu tur
sufrimento durante guera tabata tras di lomba. “Nos a haya
sucu, keshi, pan y Ma no tabata sa cuanto y kico e por duna
nos. Nos tur a haya un casca di webo cu sucu, un casca di
webo cu salo y un casca di webo cu manteca y por a haci
cu nan kico nos kier. Mi ta corda so cu mi a caba mi salo
masha lihe y tabata kier solamente salo den mi papa. Di
e otro cosnan mi tabata lembe e manteca y tambe dop e
manteca den salo. Straño si, pasobra mi ta un “very sweet
girl”, Bep a laga sa.
Den cooperacion cu misanan, dos biaha pa luna e tabata bay
Spijk, na Groningen pa come mas, compara cu kico no por a
haya mas na Rotterdam. Esaki tabata 75 aña pasa y tur cos ta
den su memoria ainda masha cla.
60 AÑA CASA
E mucha muher Bep, di apenas 10 aña e tempo ey, a spera di
ultimo a fayece.
Nan ta pareha desde 1946 y semper a haci tur cos hunto.
Durante cu el a cuminza traha pa prome biaha como bendedor
den un establecimento di cuminda y despues cu e por a pasa
su bario di reparti corant na e hombernan cu a bolbe di guera
despues di tabata scondi.
Jan tabata ainda studiante di HBS y mester a studia hopi.
Cu su salario di 40 florin pa luna, di cual placa 20 florin ta-
bata wordo duna na su mama, riba recomendacion di e bisiña
Hayemaayer, e por a cumpra un di su prome baiskelnan di 10
florin pa luna te cu e logra paga e suma completo di 79 florin.
Cu e otro 10 florin, Bep mester a paga pa su propio pañanan
di bisti. Pa su prome par di mea di nylon, el a paga f.19,75 y
den corto tempo e mea a hila. Cada biaha cu mea hila e mester
paga 10 pa 20 cent pa drecha esaki. Tabata depende con gran-
di e daño ta .
BASHI
Awe Huize RAMACA ta bashi ! Huize RAMACA ta keto ! Ta
falta un voz! Ta falta e voz sakseno di Jan.
Bep ta su so ! Su compañero, ruman, amigo y esposo di mas di
60 aña no ta cune mas. Bep a keda cu un kluis yen di recuerdo
bunita, recuerdo splendoroso y maraviyoso di tur e añanan cu
el a pasa cu su Jan den tur bon y tur malo, mescos cu den ul-
timo aña y pico el a cuida y asisti su Jan den tur bon y tur malo
cu e stimacion grandi cu enamoradonan so por duna otro.. A
pesar di e cantidad grandi di amigonan y amiganan cu Bep y
Jan tin na Aruba, hendenan cu ta stima e pareha “lovebirds
forever” aki, Bep lo no ta su so.
Sinembargo; tur e amistadnan aki hunto, nunca lo yena e bashi
cu Jan a laga atras cerca su Bep.
Pero Bep ta fuerte ! Bep ta mas energetico cu hende lo ta pen-
sa. Sigur e por ta cu Jan a laga impresion bunita y grandi atras
na Aruba den tur su movecionnan social y deportivo y lubida e
lo no wordo lubida pa esnan cu a conoce bon y di cerca. Forza
na Bep y cu Jan drumi dushi den braza di Señor.
Juby Naar