Page 52 - MIN JUS 22 FEB 2016

Stichting Reclassering cu informacion valioso y peticion
importante pa comicion di Husticia

Publication: Saturday, 20 February 2016. Categoria: General
Parlamentario Desiree de Sousa Croes

ORANJETSAD (AAN): Diahuebs
mainta, Comision Fiho di Husticia a haya un presentacion hopi interesante di Stichting Reclassering di Aruba.
Representantenan di Stichting Reclassering a conta di nan trabao y e retonan cu nan tin. Cu hopi atencion
miembronan di comicion di Husticia a scucha di e trabao basta dificil cu Stichting Reclassering tin particularmente
den guia hobennan cu a cay sera. A splika di nan proyecto pa hobennan di biba bou guia di e Stichting.
Como cu e reunionnan di comicionnan fiho di Parlamento ta reunionnan sera y di karacter priva, no por duna detaye
di loke a worde papia pero si por bisa cu Parlamentarionan a haya sa hopi di e trabaonan di Stichting Reclassering.
Como cu Stichting Reclassering ta traha cu mucha y hobennan cu a cay den mal caminda y ta guianan pa nan por
sea caba un school of haya un trabao, nan ta preocupa cu e stigma cu hobennan cu a comete un delito tin den
comunidad. Esaki ta hacie hopi dificil pa e hoben por haya un trabao y rehabilita su mes completo. Pesey mes nan ta
pidi prensa pa no publica menornan di edad ora nan ta sospechoso di casonan castigabel sin censura e potret. Cu e
peticion aki cu Parlamento tambe ta kere den dje, a cumpli e mes atardi den forma di un mocion pa Minister. Un
mucha ainda por drecha su bida y ta importante pa dune e oportunidad pa haci esaki sin marke pa semper door di
publica su potret no censura. Ta na comunidad pa duna un hoben un second chance den bida pa e por drecha su
bida. Comicion fiho di Husticia ta spera cu prensa por coopera cu esaki y pone un balki dilanti wowo di
sospechosonan cu ta menor di edad.

http://www.diario.aw/2016/02/stichting-reclassering-cu-informacion-valioso-y-peticion-importante-pa-
comicion-di-husticia/