Page 14 - FUNDASHON LOTTO PA DEPORTE
P. 14
24 AWEMainta Diabierna, 16 Februari 2018
Deporte
Pista di Palo Marga lo
celebra su di 35 aniversario den grandi
MIENTRAS cu aki na Aruba tur dia trabounan
intensivo ta tumando lugar rib’e pista di Palo Marga
pa asina e por luci de lo mejor pa e celebracion di 35
aña, tanto na Merca como na Puerto Rico ta rein-
ando un entusiasmo masha grandi mes pa participa
na e caredanan aki.
No ta un secreto cu for di apertura di e pista di Palo
Marga, coredornan di Puerto Rico y Merca na varios
ocasion a sa di bishita nos isla pa core den diferente
categoria y tin masha hopi amistad aki na Aruba.
Pa loke ta trata e caredanan di dianan 24, 25, 26, 27
y 28 di april proximo, por cuminsa na avisa e core-
dornan di Aruba cu, The Revival of Palo Marga 2 a
zorg pa tin autonan tanto den e categoria di Import
Class, como tambe den e categoria di Front Wheel
drive cu ta bin specialmente pa midi forsa cu nos
coredornan di Aruba.
Esaki lo bira hopi interesante como cu ta autonan
cu ta core den 7 y 8 seconde cu ta bin specialmente
pa core contra di nos autonan di Aruba, y tin di nan
ta hasta papia cu nan lo kier match race cu cierto
coredornan.
No solamente tin coredornan y nan crew na camin-
da pa Aruba, pero tambe varios di e teamnan aki ta
biniendo cu nan fanaticonan cu a dicidi di combina
e caredanan di biaha cu un vakantie riba nos dushi
isla.
Pues di e forma aki por mira cu e deporte di Drag
Race tambe ta contribui na e turismo riba nos isla.
Pues e publico cu bay Palo Marga e dianan ey, lo
mira un tremendo show unda nos coredornan lo sali
todo por todo pa asina defende nos bandera di Aru-
ba Dushi Tera.
Reserva dianan 24, 25, 26, 27 y 28 di april pa e gran
celebracion di 35 aña di nos pista Palo Marga.
Keda “up to date” cu e ultimo informacionan via e
page di The Revival of Palo Marga 2 riba Facebook.
