Page 4 - HOH FEB 19,2015

Den un encuentro a mustra minister Alex Schwengle cu tin un CAO cu mester wordo negocia pa e
trahadornan di Hospital. Hospital no ta un negoshi, AZV no ta paga pa CAO of aumento di trahador pero
solamente pa cuido medico segun e mandatario.

Tur e cosnan aki ta pone cu dificilmente por tin placa pa un extra entrada den un CAO nobo. Durante
entrevista e mandatario di Salubridad Publico a aprecia tog e forma cu ABV e sindicato ta atende
situacion enfokando tambe riba e cuido y calidad di cuido. E flexibilidad di ABV a wordo sinti segun Alex
Schwengle. E interes pa mehora calidad di nan mes como trahador tey. Si entrada ta husto y futuro ta
salvaguardia como trahador bo por traha mas trankilo. AZV semper semper ta tene cuenta cu e calidad di
cuido y mehoracion den cuido. Minister mes a splica na parlamento cu nan mes a mara faha strak unda
normal ora mira paisnan cu cuido y pakete cu Aruba tin esun di Aruba ta hopi extensivo y caro. A warda e
aumento na 3%. E tabata varia prome y esaki no tabata factible. E gastonan di zorg semper ta varia.
Gradualmente cuido medico ta crece y mester tene esaki bou di control. A palabra cu diferente grupo di
cuido. Na dado momento mester wak bon cu mester evita stagnacion si e professional medico no ta bin
mas of e medicamento cu bo mester no ta bin mas. Minister Schwengle a splica cu e lo pidi parlamento
un aumento di 4% den e presupuesto. Mester corda cu edificio nobo nifica ekipo y preparacion di bo
personal. Cu tur e cosnan aki a tene cuenta y tambe specialista extra pa baha tempo di espera. Ta
bahando gasto den otro areanan manera medicamento y lo sigui baha e gastonan aki. Un banda di inverti
pero baha gasto otro caminda. Mescos na Lands Laboratorium ta un area cu lo baha gasto. Na IMSAN
tambe lo tin un momento cu nan lo tin presupuesto balanza y nan mes por subi mercado y fia placa pa
entrada. Minister di Salubridad Publico a splica cu si balanza presupuesto di IMSAN ta suficiente pa por
haya e ekipo pa bestraling di e pashentnan na Aruba. Esnan cu a haci analizis a presenta esaki na
parlamento. Radio Terapia ta importante pasobra e no ta costa hopi placa y tin ventaha pa nos isla. Un di
ventahanan haci a base di e grupo di ATLAS a mustra cu e lo break even. E placa cu nos ta gastando na
Colombia y Curacao lo keda Aruba. E ventahanan grandi ta menos perdida di divisas. E no ta costa mas
placa den presupuesto di AZV. Bo hendenan no mester bai afo lunanan largo pa un pais cu e no conoce. E
parti social ta un ventaha grandi tambe pa nos clientenan y pashentnan di Aruba. E ta un tres pa cuater
miyon extra riba e budget pa logra haci e inversion. E momentonan aki e total na pashent manda afor ta
35 miyon florin y den dje tin tur tratamento. Colombia so ta haya 15 miyon dollar na cuido medico segun
minister Alex Schwengle.

http://www.24ora.com/politica-mainmenu-18/92000-azv-no-ta-paga-pa-cao-of-aumento-di-trahador-
pero-solamente-pa-cuido-medico