Page 31 - 01June2022

DIARANZON 1 JUNI 2022 DIARIO PAGINA 31
Doño pasa warda Balashi
Scooter blauw
bao mata

grandi descubri
ORANJESTAD (AAN):
Lo a wak un scooter color
preto laga atras desde
diabierna siman pasa altura
di un mata grandi.
Patruya cu a
presenta na e sitio a wak
un Sigma scooter preto
blauw bao di mata grandi
di e oficina en cuestion.
Ningun hende
na e sitio no sa na kende
e scooter en cuestion ta
pertenece. E plachi number
ainda no ta paga pa aña di
belasting 2022.
E scooter a wordo
poni y a transporta cu
pickup rumbo pa Balashi
sperando pa e doño legal
acudi. Central di Polis a
wordo notifica.

Fortaleza pa Famia
Skirbi pa: Pastor Marcel Balootje
Obediencia na Dios ta mas importante cu tur cos
Tur cos cu nos ta haci nos mester corda, riba obediencia na Dios, nos no por obedece
hende y pone Dios un banda, pasobra despues e berguensa lo ta pa nos mes.
Obediencia ta hiba na excelencia, y desobediencia ta hiba na destruccion.
Abraham a obedece Dios y tur cos a bay bon cune.
Noe a obedece Dios y e cu su famia a wordo salba den e Arca.
Pablo ( Saulo di Tarso a obedece Dios) y a comberti for di un malbado pa un Apostol
Daniel a obedece Dios ( Daniel capitulo 1:8) y a ricibi sabiduria y un Spirito
extraordinario( Daniel 6:3).
Moises a obedece Dios (Exodus 3;3+4+5+6) y asina por a saca e pueblo for di Egypto.
Awendia hende ta tene cuenta mas cu hende of nan posicion, cu nan tin Dios na cuenta,
hende ta acepta maldad, sabiendo cu nan lo no tin exito, y no ta preocupa cu Dios, ta
mira tur cos.
Cristo Hesus a yama nos pa nos ta obediente ( Juan capitulo 15 vers 1-17)
Obediencia ta alabansa na Dios.
Dios ta premia obediencia.
Obediencia na Dios ta prueba di amor .
Obediencia ta demostra Fe.
Pa medio di obediencia nos ta experiencia bendicion y un bida santo.
Desobediencia ta hiba na pica y morto.
Tin hopi trampa di diabel awendia, cual hende ta cay aden y nan ta bay contra boluntad
di Dios y asocia cu maldad, pasobra ora un mayor ta bay contra boluntad di Dios e ta
hiba henter su cas den pica. Y bo ta scucha e excuus: Si mi no haci locual nan ta bisami,
nos no ta bay keda cla, pero ta tempo pa nos cuminsa wak den cual direccion como
mayor bo ta hiba bo hogar, sea ta Dios ta dirigi bo hogar of ta forsanan di scuridad.
Un di e ehempelnan di obedencia mas grandi na mundo ta ora e Angel a aparece na
Maria y bise tur locual ta bay sosode cune ( Lucas 1 vers 26 te cu 38) y Maria a contesta
ata e sirbido di Señor: Laga sosode cumi segun bo palabranan. Asina nos Salbador a
bini na mundo,
Dios ta usa esun cu E kier, pa haci cosnan perfecto.
Maria a carga su propio Salbador, y Hose tabata tata di criansa di su propio Salbador
den obediencia na Dios.
Aki nos tur por mira con leu obediencia por hiba nos , pasobra Dios ta premia
obediencia.
Na e fiesta di casamento na Canaan di Galilea ( Juan 2 vers 5) Maria a bisa e sirbidonan:
Kico cu E bisa boso hacie. Nos no por lubida cu Hesus a muri na cruz pa nos tur den
obediencia na Su Tata cu ta den cielo.
PERO TIN COSNAN CU DIOS TA ODIA Y NOS MESTER APARTA DI NAN.
Hipocrecia; ( Mateo 6:2 y Mateo 23;23.
Adulterio y Divorcio: ( Mateo 5 vers 28-32 ) Malaquias capitulo 2 vers 16) Un persona
adultero ta esun cu ta viola e pacto matrimonial y asina cay den infieldad.

Comportacion inmoral: ( 1 Corintionan 6 vers 18-20 ) Huy for di inmoralidad. Esaki
ta conta pa tur relacion sexual cu no ta di acuerdo cu e palabra di Dios, y tambe ta bay
contra Dios su diseño pa ser humano.
Testigo Falso: ( Proverbionan 6 vers 19)
Idolatria: ( 1Timoteo 6;10 ) Amor pa placa ta rais di tur sorto di maldad, hende no ta
importa kico nan mester haci, basta nan ricibi placa.