Page 19 - BNDIA ARUBA

A19
deporte Diabierna 8 December 2017

Tambe Sinterklaas a treat muchanan di Imelda Hof

Aruba One Happy Island Lions Club a tene su Sinterklaas Fun Walk

ORANJESTAD - Reci-
entemente ‘Aruba One
Happy Island Lions Club’
(OHIL Aruba) a organisa
su prome actividad, esta
‘1st Sinterklaas funwalk’.
Esaki pa recauda fondo.
Esaki segun e relato cu nos
a ricibi.
Sinterklaas cu su Piet hopi
cariñoso tabata presente pa
cana hunto cu tur e partici-
pantenan, cual trayecto tabata
alrededor di 4 kilometer. Na
final di caminata tur partici-
pante a wordo ofreci fruta. A
rifa un cantidad di premio en-
tre e participantenan e.o bon-
nan di massage na Spa, din-
ner, coremento riba cabay y
hopi mas. ‘Aruba One Happy
Island Lions Club’ ta gradici
tur esunnan cu a coopera y
haci e actividad aki un exito.
Tur persona y/o compania cu
a cumpra ticket. Un danki
special ta bay na tur e spon-
sornan, pa e premionan. No
por keda sin lubida e bon
cooperacion di MFA Noord,
Marion Lopez y Shanee
Management. Por ultimo un
danki hopi grandi na IBISA
pa e cooperacion grandi rici-
bi, Rode Kruis pa nan asis-
tencia y Aruba Motor Unit
pa a yuda guia e caminata pa
tur cos bay den tur siguridad.

Sinterklaas a treat
muchanan di Imelda Hof
Despues di e caminata Sin-
terklaas y su Pietnan a bishita
Imelda Hof pa laga un treat na
e muchanan. Juffrouw Zahi-
ra den nomber di e muchan-
an di Imelda Hof a ricibi e
donacion di frutanan cualnan
tabata apelsina y patia, ade-
mas di boter di awa, Nestea
y juice. No a keda sin falta
e mangel pa nos muchanan.
Juffrouw Zahira a gradici pa
e treat pa e muchanan.
Cu e fondonan ricibi OHIL
Club Aruba lo sigui organisa
su actividadnan na benefi-
cio di nos comunidad y muy
en particular esunnan vul-
nerabel. Keda pendiente pa
e siguiente actividadnan di e
club di servicio mas nobo aki
na Aruba.