Page 25 - flip min.on

IDEA hunto cu Enseñansa Pa Empleo, ta ofrece curso pa tur
empresario

Publication: Wednesday, 11 March 2015. Categoria: General

cu kier siña maneha nan negoshi eficientemente

ORANJESTAD (AAN)– Na april proximo Iniciativa pa Desaroyo di Empresa Arubano (Idea) ta
presenta su curso “Empresario Prepara” cu ta wordo organisa hunto cu Enseñansa Pa Empleo
(EPE). Meta di e curso aki ta pa yuda clientenan administra nan negoshi den un forma eficiente y
engrandece e nivel di informacion y strategia con pa haci di nan negoshi uno exitoso.

Pa logra esaki a parti e curso den 2 fase:

Prome fase ta ciencia empresarial; mercadeo, logistica di compra, introduccion di leynan
arubano, conocemento di leynan general, plan pa negoshi, mercadeo riba tereno industria
turistico, quickbooks, y liderazgo y maneho;

Segundo fase cursistanan ta hasi uso di e teoria den practica. Lo siña traha un business plan y
diferente ehercicio lo wordo duna tocante con pa maneha un negoshi.

Empresario Prepara lo cuminsa dia 14 di april 2015 y ta consisti di 33 les. Horario ta 7.00 or pa
9.15 or anochi y pa e lesnan lo tin un itinerario cu lo mester tene cuenta cune. Localidad di curso
ta ‘Enseñansa Pa Empleo’ situa na Engelandstraat 33, Eagle.

Mester completa tur e fasenan pa por logra un diploma na final.

Criteria pa atende curso Empresario Prepara:

Ta preferibel pa tin nivel di MAVO of equivalente. Diploma no ta necesario.

Mester tin conocemento di computer

Conocemento basico di papiamento, hulandes y ingles ta necesario.

Pa informacion y inscribi por yama oficina di Idea na 5821181 ext. 248 of pasa personalmente na
Departamento di Asuntonan Economico, Comercio y Industria na Sun Plaza di 2 Piso.

Tambe por like Idea su Facebook pagina: Idea-Aruba of via email:
l.croes@arubaeconomicaffairs.aw pa mas informacion y updates.

http://www.diario.aw/2015/03/idea-hunto-cu-ensenansa-pa-empleo-ta-ofrece-curso-pa-tur-
empresario/