Page 8 - ARUBA BANK
P. 8
Aruba Bank, Departamento di Cultura y
Fundacion Sinterklaas a anuncia yegada di
Sinterklaas
October 20, 2017
ORANJESTAD (AAN): Aruba Bank, Departamento di Cultura y Fundacion Sinterklaas a duna un conferencia di prensa pa trece e ultimo
informacionnan pa loke ta trata yegada di Sinterklaas.//Segun Sr. Robert Maduro di Departamento di Cultura, como tambe presidente di
Comision Celebracion di Dianan Nacional a indica cu Gobierno di Aruba pa medio di un MB (ministeriele beschikking), a duna area na
Celebracion di Dianan Nacional pa traha riba diferente eventonan, entre otro, eventonan cultural y nacional durante aña…Pa loke ta trata
yegada di Sinterklaas, e trabao ta extenso y ta consisti di un esfuerzo di varios departamento, manera DOW, Cuerpo policial, Serlimar, Aruba
Ports Authority, entre otro. Maduro a bisa cu esaki no ta un evento comun y coriente, y tampoco un evento chikito, kiermen mester tin
cooperacion di cada un pa esaki por tuma lugar…Fundacion Sinterklaas ta encarga cu organizacion completo di yegada di Sinterklaas. E
fundacion ta consisti pa un grupo di persona hopi entusiasma pa sigui engrandece e fiesta bunita cu ya ta parti di e cultura di Aruba pa nos
muchanan…Sra. Evelyn Frank-Maduro, Presidente di Fundacion Sinterklaas a invita tur hende pa bin ricibi Sinterklaas y disfruta di e fiesta grandi
dedica na nos muchanan. Sinterklaas lo yega Aruba riba diadomingo 19 di November, 2017 na APA pa 10’or di mainta riba nan boto dorna cu
banderanan. Ora cu e boto caba di yega den cruise terminal di APA, lo tene un ceremonia chikito pa yama Sinterklaas y Zwarte Pietnan bonbini,
cu canto y baile, y despues nan lo sali for di gate number 1, cu ta situa riba Weststraat pa subi L.G.Smith Blvd, y sigui bay Plaza Betico…Na
cuminsamento di e parada, brommernan di Harley Davidson lo tey, sigui pa un grupo di Brass band, y despues pa Sinterklaas y Zwarte Pietnan,
sigui pa un trailer cu musica pa entretene esnan banda di caminda.
