Page 2 - AVB
P. 2
RCA unves mas den final Divishon Honor
Friday, 09 June 2017 12:08
Comparti
E organisashon tricolor cu tin 83 anja di existencia, 34 titulo di A.V.B., dos titulo di Liprof, campeon
Antiyano y tantisimo otro titulo y logro, ta bolbe clasifica pa e gran final di Aruba su divishon maximo.
Sin duda RCA a domina futbol completo den e decada aki. Na 2011 y 2012 a titula Campeon "back to
back".
Na 2014 a perde final pero ta titula Campeon atrobe "back to back" na 2015 y 2016. E anja ki ta di 4 anja
consecutivo cu RCA ta bai final. Apesar cu e oncena tricolor tawatin un anja hopi dificil despues cu
diferente hungadornan a retira y otro a bai studia den exterior, toch a sa di usa e sistema hubenil y ta
logra termina promer lugar di campeonato regular y ta bira tambe e promer ekipo pa jega final. Pabien
na e hungadornan cu a lucha cu alma y cuerpo, na e cuerpo tecnico, na e fanaticada cu semper tey
presente den bon y den malo. Danki special na "Big Wheel Lottery y Powerade". Diasabra 17 di junio lo ta
e prome wega di e final "best out of three". Si ainda bo no a cumpra bo Jersey Tricolor contact via app
6620202. DJ SKY y DJ Edson lo anima e publiko cu e forsa di High Performancce. E "Tambu Combo"
tambe lo tey bou guia di Gio, Sapo y Rafa. Ban jega y jena stadion apoya nos ekipo cu tur respet di
Mundo. #RCApaBida
http://www.24ora.com/index.php?option=com_content&view=article&id=122787:rca-unves-mas-den-
final-divishon-honor&catid=3:deporte&Itemid=7
