Page 7 - MIN.JUS AUG 24,2015

14 AWEMainta Dialuna, 24 Augustus 2015

Deloitte Dutch
Caribbean a
tene un lectura
IMPORTANTE di
impuesto

DELOITTE Dutch Caribbean a ofrece un lectura duna

pa Peter Kavelaars, profesor di economia di impuesto
na Erasmus Universiteit, Rotterdam, y partner/director
di e Centro di Estudio di Impuesto di Deloitte Tax na
Hulanda. E lectura a wordo organisa pa Michael-Leo
van Romondt, partner di impuesto, Deloitte Dutch
Caribbean, y Geert Weber, impuesto, y a enfoca
principalmente riba tres topico importante.
E prome a trata e desaroyonan recien den e sistema
di impuesto Hulandes y a inclui un posible cambio di
impuesto y e poliza di impuesto riba autonan.
E di dos a examina desaroyonan interesante den bista
di varios caso di ley cu ta den tratamento di e Corte di
Husticia Europeo, cu ta relata cu paisnan manera Aruba.
E asunto di unidad fiscal entre paisnan tambe a wordo
discuti, ya cu e Corte di Husticia Europeo ta reconoce e
reto cu esaki ta crea.
E topico principal di e atardi a examina e desaroyonan
internacional cu ta envolve evita impuesto, tambe conoci
como BEPS: Base Erosion and Profit Shifting. Kavelaars
a explora e medidanan cu awo ta den preparacion p›e
EU y e OECD, contra BEPS, y a informa cu esakinan lo
mester wordo implementa den e futuro sercano.
Dos otro topico relaciona cu esaki tabata e aumento
fuerte den intercambio internacional automatico
di informacion entre paisnan, y e incorporacion di
provisionnan di anti-abuso den leynan nacional y
acuerdonan di impuesto. Kavelaars a splica cu esaki y
otro medidanan anuncia, manera raportahenan di pais
pa pais, seriamente lo afecta e comunidad comercial
internacional y regimennan internacional di impuesto.
Consecuentemente el a pronostica algun desaroyo
turbulento di impuesto, cu ta na caminda actualmente.
E lectura, cual a tuma lugar recientemente rib›un
diabierna atardi, a tuma lugar n›e Aruba Surfside
Marina. Van Romondt a splica cu den bista di e
desaroyonan continuo, Deloitte Dutch Caribbean a pidi
e profesor renombra pa un biaha mas papia tocante
asuntonan di impuesto.
Na final di e intercambio di informacion, esnan presente
a disfruta di un ora di cocktail casual durante e bahada
di solo, rib›e bunita patio cu bista riba e lama Caribense
y pasapalonan delicioso, unda e profesor a sigui papia cu
e participantenan, den un ambiente caluroso y amable.
E dignitario a skirbi hopi articulo economico tocante
desaroyonan den impuesto, y a co-skirbi un cantidad
di buki, asina tambe e ta wordo considera como un
autoridad rib›e sistema fiscal den Caribe Hulandes y na
Hulanda.